Fota: AP
* * *
Pamiataju, adnojčy
Dobry, ale prastadušny školny psichołah
Skazaŭ mnie: vaša vučanica šmat maluje
čornym.
Heta značyć, u jaje doma — prablemy.
Zabiarycie ŭ jaje čorny ałovak.
I siońnia,
Kali ŭ kamientarach hłabalnaj sietki
Supraćlehłyja baki dachodziać da apošnich arhumientaŭ
Dzieci Danbasa VS dzieci Maryupala,
i kali ja dumaju,
kim by ja mahła być na hetaj vajnie,
kali b nie była prykutaj da svajoj biezhałosaj ziamli,
ja dumaju, što ja pracisnułasia b miž kamieńnia i pyłu
ŭ sutareńnie maryupalskaha teatra,
prapaŭzła b vužom, pratačyłasia vadoj,
sabrała b vakoł siabie dziaciej,
lubych dziaciej lubych haradoŭ,
ja b zmahła, mnie daviarajuć dzieci,
i my b prydumvali roznyja historyi,
strašnyja i sumnyja,
śmiešnyja i fantastyčnyja,
i malavali b da ich malunki,
usimi ałoŭkami, jakija b tolki znajšli,
a taksama krejdaj i vuhalem,
biełaje — biełym,
čornaje — čornym.
Heta adzinaje, što ja mahu na vajnie.
Kamientary