Łukašenka: Biełaruś ciapier budzie addavać daŭhi ŭ rublach. Ekanamist: Nie budzie!
Łukašenka daručyŭ viartać daŭhi niedružalubnym krainam u biełaruskich rublach. A što, tak možna?
Jak paviedamlaje Minfin, heta zamacavana va ŭkazie № 93 «Ab dadatkovych mierach pa zabieśpiačeńni stabilnaha funkcyjanavańnia ekanomiki», jaki Łukašenka padpisaŭ 14 sakavika.
«Heta dastatkova dziŭny krok. Niezrazumiełaje značeńnie hetaha, bo na dziejnaść haspadarčych subjektaŭ nie paŭpłyvaje, asabliva kali kazać pra mižnarodnyja damovy.
Kali ŭ damovach prapisana, što abaviazacielstvy vykonvajucca ŭ peŭnaj valucie, to ŭkaz Łukašenki na hetuju damovu nie ŭpłyvaje»,
— tłumačyć ekanamistka, akademičny dyrektar BEROC Kaciaryna Barnukova.
Kali ž biełaruski ŭrad budzie namahacca pahasić svaje abaviazacielstvy ŭ rublach, to heta prosta budzie ŭsprymacca jak defołt, adznačaje ekanamistka.
«Tamu heta ŭsio bolš pakazalny krok. Maŭlaŭ, vy na nas sankcyi, a my vam — voś tak!
U vyniku, ničoha nie budzie. Heta nie spracuje, bo heta prosta słovy. Adbudziecca toje ž samaje, što i ŭ Rasii: tam taksama pahražali płacić daŭhi ŭ rasijskich rublach, ale ž usio spłacili ŭ valucie. Bo takija pasyły krainy Zachadu nie ŭražvajuć.
I ŭ Biełarusi ci nie budzie vypłat pa niekatorych kredytach, ci buduć šukać valutu.
Uvohule płacić pa abaviazacielstvach u biełaruskich rublach mahčyma. Ale dla hetaha treba pravieści restrukturyzacyju, pieravieści ŭ inšyja papiery. I heta nie robicca ŭkazam Łukašenki. Dla hetaha damaŭlajucca ź inviestarami, jakija kupili ablihacyi, inakš heta prosta niemahčyma», — adznačaje Kaciaryna Barnukova.
Čytajcie taksama:
«Ja prezidenta čatyry hady nie bačyŭ!» Vialikaje intervju z Šakucinym — pra jaŭrejaŭ, varvarskuju palityku i vinavatych u razvale pramysłovaści
Ciapier čytajuć
Što ciapier ź italjanskimi vizami? Masavyja admovy? Turfirmy nazyvajuć alternatyvu2
Što ciapier ź italjanskimi vizami? Masavyja admovy? Turfirmy nazyvajuć alternatyvu
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary