Krynicy: Spažyvieckaje kredytavańnie spyniajecca. Padrabiaznaści zakrytaj narady ŭ Nacbanku
Učora my paviedamlali ab zapłanavaj sustrečy kiraŭnictva Nacbanka z kiraŭnikami ŭsich biełaruskich bankaŭ na fonie mocnaj turbulentnaści ŭ ekanomikach Rasii i Biełarusi. Što tam vyrašyli?
Pa słovach našych surazmoŭcaŭ, Nacbank prapanavaŭ całkam spynić spažyvieckaje kredytavańnie, akramia dziaržaŭnych prahram. Heta robicca dla taho, kab atrymanyja ŭ rublach hrošy nielha było kanviertavać u valutu.
«U toj ža čas, na staŭki pa valutnych depazitach vyrašyli zachoŭvać dyrektyŭnyja abmiežavańni, bo ich pavyšeńnie ŭsio roŭna dadatkovych układčykaŭ nie pryvabić, a sihnał paniki stvoryć», — kažuć udzielniki narady.
Krynicy «Našaj Nivy» adznačyli, što niefarmalna Nacbank zabaraniŭ vypłatu dyvidendaŭ zamiežnym kampanijam-akcyjanieram. Taksama bankam zahadana pilna sačyć za vyvadam srodkaŭ za miažu ahułam.
«U suviazi z masavym vyvadam układaŭ Nacbank paraiŭ bankam z zamiežnymi akcyjanierami źviartacca da maciarynskich arhanizacyj za miažu, bo resursaŭ rehulatara na padtrymku ŭsich nie chopić. A niekatorym hetaja padtrymka ŭžo akazvajecca, — adznačajuć surazmoŭcy. — Z-za adtoku depazitaŭ banki mohuć vydavać najaŭnyja z rachunkaŭ ciaham piaci dzion. Taksama rekamiendavałasia pieraaryjentavać klijentaŭ na vykarystańnie kartak «Biełkart» praz ryzyku taho, što mižnarodnyja karty biełaruskich bankaŭ nie buduć pracavać».
Čytajcie:
«Idziom ź biazradasnym tvaram, jak u Nabiulinaj». Nacbank zaŭtra źbiraje kiraŭnictva ŭsich bankaŭ na sustreču
Ciapier čytajuć
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ7
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary