Praces pieravodu kazachskaj movy na łacinku moža zapavolicca. Takajeŭ skazaŭ, što śpiašacca nie varta
Prezident Kazachstana Kasym-Žamart Takajeŭ prakamientavaŭ pytańnie ab pierachodzie kazachskaj movy na łacinku. Skazaŭ, što ŭ takich spravach nielha śpiašacca.
U intervju nacyjanalnamu telekanału Qazaqstan Takajeŭ skazaŭ:
«Što tyčycca našaj movy, to my i jaje zachavajem. Inakš i być nie moža, bo ŭ samyja składanyja momanty historyi mova zachavałasia dziakujučy našym mudrym prodkam, dziakujučy našamu narodu».
Razam z tym Kazachstanu, pavodle Takajeva, patrebnaja moŭnaja reforma:
«I tut sprava nie ŭ bolš chutkim pierachodzie na łacinskuju hrafiku. Da hetaha pytańnia varta padyści z usioj surjoznaściu. Nieabchodnaja dbajnaja ekśpiertyza. Nielha śpiašacca ŭ takich pytańniach, jak moŭnaja palityka, bo heta vielmi adčuvalnaja tema».
U 2017 hodzie eks-prezident Kazachstana Nursułtan Nazarbajeŭ padpisaŭ ukaz ab paetapnym pieravodzie kazachskaj movy z kirylicy na łacinku da 2025 hoda. U studzieni 2021 hoda ŭrad Kazachstana zajaviŭ, što pierachod na łacinku projdzie z 2023 pa 2031 hod. Ciapier, mahčyma, terminy jašče bolš ssunucca.
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii37
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4545
Kamientary