Viktar Čajčyc sychodzić z pasady kiraŭnika Biełaruskaj respublikanskaj kalehii advakataŭ
Viktar Čajčyc pakidaje pasadu kiraŭnika Biełaruskaj respublikanskaj kalehii advakataŭ (BRKA). Chadzili čutki, što kiraŭnik BRKA nie prajšoŭ pieraatestacyju. «Heta poŭny fejk, tamu što nijakaj atestacyi ŭ mianie nie było», — skazaŭ Zerkalo.io Čajčyc.
Fota: council.gov.ru
U telehram-kanale BRKA źjaviŭsia zvarot Čajčyca.
— Siońnia moj apošni pracoŭny dzień u jakaści staršyni Biełaruskaj respublikanskaj kalehii advakataŭ. Uličvajučy, što hetaja navina vyklikaje peŭnuju cikavaść u niekatorych ludziej (z samaj ranicy mnie pastupiła mnostva zvankoŭ pa hetym pytańni), paviedamlaju: nijakaj pazačarhovaj atestacyi ja nie prachodziŭ i licenzii na zaniatak advakackaj dziejnaściu mianie nichto nie pazbaŭlaŭ. Ja pa-raniejšamu zastajusia advakatam Minskaj abłasnoj kalehii. Nijakich ciažkaściaŭ ja nie bajusia. Pierakanany, što, navat nie źjaŭlajučysia staršynioj BRKA, zajmajučysia inšymi spravami, zmahu i dalej być karysnym krainie i ludziam. Prašu nie rabić zdahadak, nie sprabavać šukać pryčyny majho sychodu i ŭžo tym bolš nie čakać, što ja pačnu havaryć u niehatyŭnym klučy ab kalehach abo dziaržavie, — napisaŭ kiraŭnik BRKA.
Advakat i člen Savieta Respubliki Viktar Čajčyc uznačalvaŭ BRKA z 2011 hoda, pierad vybarami prezidenta ŭ 2020 hodzie zaklikaŭ advakataŭ ustrymacca ad zajaŭ ab tym, što «drenna pracuje ŭsia sistema i nie paddavacca na pravakacyi».
— Mahčyma, niekatoryja advakaty majuć namier pakinuć advakaturu, tamu dazvalajuć sabie pavodzić siabie nieprafiesijna, nie zadumvajučysia ab tym, što ich učynki niehatyŭna adabjucca na imidžy kaleh i advakatury ŭ cełym, — pieraścierahaŭ kiraŭnik BRKA.
U sakaviku 2021 hoda jon prasiŭ kalehaŭ «nie leźci ŭ palityku». «Kali chočacie zajmacca palitykaj, sydzicie i zajmajciesia asobna ad advakatury», — vykazvaŭsia Čajčyc. U listapadzie minułaha hoda ŭ intervju dziaržvydańniu jon pryznavaŭ, što arhanizacyja robić «usio mahčymaje, kab pieravychavać abłudnych».
Ciapier čytajuć
Siostry Hruździevy ciapier važać pad 100 kiłahramaŭ kožnaja21
Siostry Hruździevy ciapier važać pad 100 kiłahramaŭ kožnaja
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje9
Taćciana Zamiroŭskaja pieršy raz za 11 hadoŭ viarnułasia z ZŠA ŭ Jeŭropu. Mnohija maniery, zvyčki i navat ptuški, jakich my nie prykmiačajem, vyklikali ŭ jaje buru ŭspaminaŭ1010
Kamientary