Z palitźniavolenaj Volhi Majoravaj źniali abvinavačvańnie ŭ teraryźmie
Syn Volhi Majoravaj padzialiŭsia z hazietaj «Novy čas» listom ad maci, u jakim jana paviedamiła, što ź jaje źniali abvinavačvańnie ŭ teraryźmie.
Palitźniavolenaja piša:
«Voś tolki niadaŭna adpraviła tabie list z numarami artykułaŭ KK RB, što mnie ŭ vyniku inkryminujuć, i paviedamleńnie pra novaha biaspłatnaha advakata. […] Tak, adrazu napišu, što art. 16 (6) i 289 (2) z abvinavačvańnia vyniatyja, dumaju, što chopić i astatnich šaści, što zastalisia», — piša palitźniavolenaja.
Raniej Volha pisała z-za krataŭ, što jaje abvinavačvajuć pa č. 2 art. 285 KK (Udzieł u złačynnaj arhanizacyi ŭ luboj inšaj formie); č. 3 art. 130-1 KK (Dziejańni pa reabilitacyi nacyzmu, učynienyja hrupaj asob, abo jakija paciahnuli pa nieaściarožnaści śmierć čałavieka abo inšyja ciažkija nastupstvy); č. 4 art. 295 KK (Niezakonnyja dziejańni ŭ dačynieńni da ahniastrelnaj zbroi, bojeprypasaŭ i vybuchovych rečyvaŭ, učynienyja arhanizavanaj hrupaj); č. 3 art. 361 KK (Zakliki da mier abmiežavalnaha charaktaru (sankcyj), inšych dziejańniaŭ, nakiravanych na naniasieńnie škody nacyjanalnaj biaśpiecy Respubliki Biełaruś, učynienyja z vykarystańniem srodkaŭ masavaj infarmacyi abo hłabalnaj kampjutarnaj sietki Internet); č. 2 art. 257 KK (Padman spažyŭcoŭ, učynieny hrupaj asob pa papiaredniaj zmovie, abo asobaj, raniej sudzimaj za padman spažyŭcoŭ, abo ŭ bujnym pamiery); č. 2 art. 289 KK (Akt teraryzmu).
Hramadskuju aktyvistku zatrymali 4 studzienia 2021 hoda pa «spravie Mikałaja Aŭtuchoviča» ŭ jaje domie ŭ vioscy Nača Krupskaha rajona. U domie byŭ praviedzieny pieratrus, u vyniku jakoha supracoŭniki KDB zabrali techniku.
Čytajcie taksama:
Volzie Majoravaj pahražajuć 8 kryminalnych artykułaŭ
Palitźniavolenaj Volzie Majoravaj pahražaje 25 hadoŭ
Supracoŭniki KDB zatrymali aktyvistku Volhu Majoravu. Syn: «Mierkavana pa spravie Aŭtuchoviča»
Druhi vajskoviec, jaki zahinuŭ pry avaryi MAZa pad Asipovičami — 21‑hadovy tenisist ź Viciebska1
Kamientary