Heta vynikaje ź lista palitźniavolenaj Volhi Majoravaj da syna, u jakim jana pieraličvaje artykuły Kryminalnaha kodeksa, pra jakija «chacieła b pačytać», piša «Novy čas».
Volha Majorava. Fota «Radyjo Svaboda».
U liście pieraličvajucca nastupnyja artykuły:
-
častka 2 art. 285 — Udzieł u złačynnaj arhanizacyi ŭ luboj inšaj formie;
-
častka 3 art. 130 — Dziejańni pa reabilitacyi nacyzmu, učynienyja hrupaj asob, abo jakija paciahnuli pa nieaściarožnaści śmierć čałavieka abo inšyja ciažkija nastupstvy;
-
častka 4 art. 295 — Niezakonnyja dziejańni ŭ dačynieńni da ahniastrelnaj zbroi, bojeprypasaŭ i vybuchovych rečyvaŭ, učynienyja arhanizavanaj hrupaj;
-
častka 3 art. 361 — Zakliki da mier abmiežavalnaha charaktaru (sankcyj), inšych dziejańniaŭ, nakiravanych na naniasieńnie škody nacyjanalnaj biaśpiecy Respubliki Biełaruś, učynienyja z vykarystańniem srodkaŭ masavaj infarmacyi abo hłabalnaj kampjutarnaj sietki Internet;
-
častka 2 art. 257 — Padman spažyŭcoŭ, učynieny hrupaj asob pa papiaredniaj zmovie, abo asobaj, raniej sudzimaj za padman spažyŭcoŭ, abo ŭ bujnym pamiery;
-
častka 1 art. 14 — Zamach na złačynstva;
-
častka 6 art. 16 — Saŭdzieł u złačynstvie;
-
častka 2 art. 289 — Akt teraryzmu.
-
Vidać, heta tyja artykuły, pra jakija Majoravaj kažuć padčas śledstva.
Raniej u adnym ź listoŭ Volha Majorava paviedamlała, što rychtujecca da prysudu pa bolš žorstkaj, 3-j častcy, 289-ha artykuła.
Volhu Majoravu zatrymali 4 studzienia 2021 hoda ŭ jaje domie ŭ vioscy Nača Krupskaha rajona pa tak zvanaj «spravie Mikałaja Aŭtuchoviča». U domie byŭ praviedzieny pieratrus, supracoŭniki KDB zabrali z doma techniku.
Čytajcie taksama:
Palitźniavolenaj Volzie Majoravaj pahražaje 25 hadoŭ
Supracoŭniki KDB zatrymali aktyvistku Volhu Majoravu. Syn: «Mierkavana pa spravie Aŭtuchoviča»
Ciapier čytajuć
Z Łondana Mielnikava vylecieła na Šry-Łanku, u jaje byŭ kachanak spartovaha vyhladu ź Biełarusi58
Kamientary