Biełarusam pačali prychodzić paviedamleńni ad telehram-bota «Pieramoha». Što adbyvajecca?
Učora niekalki čytačoŭ «Našaj Nivy» paviedamili ŭ redakcyju, što im pryjšli mesedžy ad bota płana «Pieramoha».
«Pieramoha» — sakretny płan aŭtarstva abjadańnia siłavikoŭ ByPol. Jak zajavili jaho inicyjatary, ludzi, što zarehistravalisia ŭ płanie, u niejki momant praź jaho atrymajuć «kamandu da dziejańniaŭ dziela adnaŭleńnia ŭ krainie demakratyi i zakonnaści».
U čym kankretna składajecca płan «Płana «Pieramoha» i ci raspracavany jon užo, pakul nieviadoma. Jaho aŭtary abiacajuć «patrebnyja dziejańni ŭ patrebny momant». Kali budzie hety momant i što za dziejańni, infarmacyi taksama niama.
Padpałkoŭnik Alaksandr Azaraŭ patłumačyŭ «Našaj Nivie», što takuju rassyłku jany sapraŭdy rabili.
«My vychodzim na suviaź z tymi, z kim ličym važnym pahavaryć asabista. Hetyja paviedamleńni atrymlivajuć nie ŭsie ludzi. My robim heta z sapraŭdnaha bota, ale isnuje i paralelnaja rassyłka ź iłže-botaŭ «Pieramoha». Toj, chto sumniajecca, zvyčajna piša nam i pierapytvaje», — skazaŭ Azaraŭ.
U studzieni padpałkoŭnik Alaksandr Azaraŭ zajaŭlaŭ «Niamieckaj chvali», što da płana «Pieramoha» «dałučylisia bolš za 200 tysiač biełarusaŭ». Ideju płana padtrymali taksama niekatoryja palityki, siarod jakich Śviatłana Cichanoŭskaja i Zianon Paźniak.
Nahadajem, u listapadzie minułaha hoda Śledčy kamitet zavioŭ kryminalnuju spravu pa fakcie stvareńnia, kiraŭnictva i ŭdziełu ŭ ekstremisckim farmiravańni «Mabilizacyjny płan «Pieramoha».
Taksama śledčyja zajavili, što ekstremisckaja hrupa ByPol budzie pryciahnutaja da kryminalnaj adkaznaści za stvareńnie hetaha ekstremisckaha farmavańnia i ŭdzieł u im (častki 1-2 art. 361-1 Kryminalnaha kodeksa). Pa pieršaj častcy maksimalnaje pakarańnie — da 7 hod pazbaŭleńnia voli, pa druhoj — da 10.
Dadatkova SK zajaviŭ, što šukaje i źbirajecca pakarać taksama tych, chto znachodziŭsia ŭ čacie tielehram-kanała płana. Heta častka 3 art. 361-1 KK. Maksimalnaje pakarańnie pa joj — da 6 hod pazbaŭleńnia svabody.
Ułady Biełarusi pryznali šerah udzielnikaŭ abjadnańnia siłavikoŭ «Bajpoł» datyčnymi da terarystyčnaj dziejnaści. U śpis terarystaŭ Minsk uklučyŭ taksama Śviatłanu Cichanoŭskuju, Paŭła Łatušku, Antona Matolku i inšych.
Čytajcie jašče:
KDB uklučyŭ Cichanoŭskuju i Łatušku ŭ śpis asob, datyčnych da terarystyčnaj dziejnaści
Ciapier čytajuć
Chrysta Hrozieŭ: Mielnikava jak minimum hod, a chutčej za ŭsio, paŭtara pieradavała infarmacyju biełaruskim śpiecsłužbam36
Kamientary