Saakašvili zajaviŭ, što tajemna sustrakaŭsia z Łukašenkam u Łondanie, kab toj nie pryznavaŭ Abchaziju
Eks-prezident Hruzii Michaił Saakašvili zajaviŭ, što ŭ hady kiravańnia krainaj (2004—2014) tajemna lotaŭ u Łondan i sustrakaŭsia z Alaksandram Łukašenkam, kab toj nie pryznavaŭ niezaležnaść Abchazii i Paŭdniovaj Asiecii.
«U mianie byli čatyry tajemnyja sustrečy ŭ Łondanie z Łukašenkam. Heta była tajemnaja dypłamatyja. Toje, što Paŭdniovaja Asiecija i Abchazija da hetaha času nie pryznanyja Łukašenkam, źjaŭlajecca vynikam maich pajezdak u Łondan», — skazaŭ u sieradu Saakašvili ŭ Tbiliskim haradskim sudzie, dzie prachodzić pasiadžeńnie pa spravie ab rastracie dziaržsrodkaŭ da 9 młn łary (kala $3 młn), piša TASS.
Razam z tym, były prezident nie staŭ nazyvać dakładnuju datu, kali jon pravodziŭ sustrečy z Łukašenkam, spasyłajučysia na sakretnaść źviestak ab jaho pieralocie ŭ brytanskuju stalicu.
Raniej u intervju Uładzimiru Sałaŭjovu dla YouTube-kanała «Sałaŭjoŭ Live» Łukašenka zajaviŭ, što nie vyklučaje pryznańnie niezaležnaści Abchazii i Paŭdniovaj Asiecii. Pavodle jaho słoŭ, jak tolki jon zrazumieje nieabchodnaść takoha kroku, i pra heta jamu skaža Uładzimir Pucin, tady heta moža adbycca.
MZS Hruzii ŭ paniadziełak raspaŭsiudziła kamientaryj pres-śpikiera Maryjam Narčemašvili, u jakim havorycca, što pytańnie pryznańnia niezaležnaści Abchazii i Paŭdniovaj Asiecii Biełaruśsiu nie staić na paradku dnia z ulikam hruzina-biełaruskich dvuchbakovych stasunkaŭ.
Raniej pra aficyjnyja vizity Łukašenki ŭ Brytaniju nie paviedamlałasia.
Ciapier čytajuć
Što ciapier ź italjanskimi vizami? Masavyja admovy? Turfirmy nazyvajuć alternatyvu5
Što ciapier ź italjanskimi vizami? Masavyja admovy? Turfirmy nazyvajuć alternatyvu
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary