Саакашвілі заявіў, што таемна сустракаўся з Лукашэнкам у Лондане, каб той не прызнаваў Абхазію
Экс-прэзідэнт Грузіі Міхаіл Саакашвілі заявіў, што ў гады кіравання краінай (2004—2014) таемна лётаў у Лондан і сустракаўся з Аляксандрам Лукашэнкам, каб той не прызнаваў незалежнасць Абхазіі і Паўднёвай Асеціі.
«У мяне былі чатыры таемныя сустрэчы ў Лондане з Лукашэнкам. Гэта была таемная дыпламатыя. Тое, што Паўднёвая Асеція і Абхазія да гэтага часу не прызнаныя Лукашэнкам, з'яўляецца вынікам маіх паездак у Лондан», — сказаў у сераду Саакашвілі ў Тбіліскім гарадскім судзе, дзе праходзіць пасяджэнне па справе аб растраце дзяржсродкаў да 9 млн лары (каля $3 млн), піша ТАСС.
Разам з тым, былы прэзідэнт не стаў называць дакладную дату, калі ён праводзіў сустрэчы з Лукашэнкам, спасылаючыся на сакрэтнасць звестак аб яго пералёце ў брытанскую сталіцу.
Раней у інтэрв'ю Уладзіміру Салаўёву для YouTube-канала «Салаўёў Live» Лукашэнка заявіў, што не выключае прызнанне незалежнасці Абхазіі і Паўднёвай Асеціі. Паводле яго слоў, як толькі ён зразумее неабходнасць такога кроку, і пра гэта яму скажа Уладзімір Пуцін, тады гэта можа адбыцца.
МЗС Грузіі ў панядзелак распаўсюдзіла каментарый прэс-спікера Марыям Нарчэмашвілі, у якім гаворыцца, што пытанне прызнання незалежнасці Абхазіі і Паўднёвай Асеціі Беларуссю не стаіць на парадку дня з улікам грузіна-беларускіх двухбаковых стасункаў.
Раней пра афіцыйныя візіты Лукашэнкі ў Брытанію не паведамлялася.
-
У Эфіопіі пасля некалькіх гадоў перапынку зноў разгараецца поўнамаштабная грамадзянская вайна. Можа дэстабілізавацца і ўвесь рэгіён
-
Швейцарскія ледавікі растаюць, за мінулы год страчаная рэкордная колькасць лёду. Чым гэта пагражае?
-
Украінца пакаралі ўмоўным тэрмінам за перадачу Беларусі праграмы для вайсковага авіяцыйнага трэнажора
Цяпер чытаюць
Усіх студэнтак беларускіх ВНУ абавязалі тэрмінова запоўніць анкету з пазначэннем свайго росту52
Каментары