Štučny intelekt navučyŭsia prahramavać nie horš za ludziej
Sistema AlphaCode, raspracavanaja DeepMind (struktura Google), pakazvaje vydatnyja vyniki.
Daśledčyki z ustanovy DeepMind (struktura Google) śćviardžajuć, što ich sistema štučnaha intelektu AlphaCode moža prahramavać na kankurentnym uzroŭni z prahramistami-ludźmi. Razam ź imi AlphaCode udzielničaŭ u adpaviednych spabornictvach i zdoleŭ apynucca siarod najlepšych prahramistaŭ, piša zdnet.com.
Udzielnikaŭ spabornictvaŭ paprasili zrazumieć apisańnie prablemy i jaje detali na naturalnaj movie, a taksama paznajomicca z apisańniem pažadanaha rašeńnia prablemy z punktu hledžańnia prahramavańnia. Kab jaje vyrašyć, prahramisty pavinny byli skłaści adpaviedny ałharytm, a potym efiektyŭna jaho realizavać. Pry hetym było važna vybrać dla svajho ałharytmu naležnuju movu prahramavańnia, bo ad hetaha zaležyć toje, jak chutka budzie vyrašanaja zadača.
AlphaCode hetamu daŭ rady. Pa vynikach spabornictva prahrama ad DeepMind uvajšła ŭ lik najlepšych prahramistaŭ na turniry.
Sistemy štučnaha intelektu, jany viadomyja jašče pad anhlijskaj abrevijaturaj AI, Artificial intelligence, adroźnivaje zdolnaść vučycca samastojna i samim raspracoŭvać ałharytm dla vyrašeńnia zadač.
Stvaralniki AlphaCode padkreślivajuć, što ich štučny intelekt nie niasie pahrozy dla ludziej-raspracoŭščykaŭ. Naadvarot, novaja prahrama moža pavysić pradukcyjnaść pracy prahramistaŭ i dapamahčy tym, chto nie ŭmieje pisać kod, ale choča skarystacca instrumientami prahramavańnia.
Kamientary