Palitviazień Uładzimir Mackievič u piatnicu źbirajecca pačać haładoŭku
Jon patrabuje źmianić mieru strymańnia na padpisku ab niavyjeździe, zaviaršyć śledčyja dziejańni i pryznačyć datu sudovaha raźbiralnictva. 4 lutaha budzie roŭna paŭhoda z momantu jaho zatrymańnia.
Mackievič pieradaŭ na volu, što ź piatnicy admovicca ad ježy da vykanańnia jaho patrabavańniaŭ. Pieršyja dziesiać dzion «budzie haładoŭka na vadzie». Kali pa skančeńni hetaha terminu patrabavańni nie vykanajuć, palitviazień hatovy pierajści «da suchoj haładoŭki», paviedamlaje Jeŭraradyjo.
Fiłosafa i mietadołaha Uładzimira Mackieviča zatrymali 4 žniŭnia 2021 hoda, supracoŭniki KDB praviali pieratrusy ŭ jaho doma pa padazreńni ŭ arhanizacyi abo ŭdziele ŭ dziejańniach, jakija parušyli hramadski paradak (č. 1, art. 342).
Kamientary