Pasoł Ukrainy byŭ vyklikany ŭ Ministerstva zamiežnych spraŭ Biełarusi
Pavodle viersii biełaruskaha boku, ukrainski bieśpiłotnik 24 studzienia 2022 hoda niezakonna pierasiok dziaržaŭnuju miažu Biełarusi, paviedamlaje Biełta. Z hetaj nahody ŭ Ministerstva zamiežnych spraŭ Biełarusi siońnia byŭ vyklikany ambasadar Ukrainy Ihar Kizim.
Bieśpiłotnik, pavodle źviestak MZS Biełarusi, byŭ zafiksavany ŭ pavietranaj prastory našaj krainy i prymušany da pasadki śpiecyjalistami Uzbrojenych Sił.
«Na asnovie analizu danych bartavoj aparatury dakładna ŭstanoŭlena, što jon byŭ zapuščany z terytoryi Ukrainy ŭ metach praviadzieńnia nielehalnaj raźviedvalnaj dziejnaści nad vajennym palihonam «Brescki», — zajavili ŭ MZS.
MZS davioŭ da ŭkrainskaha boku, što «hetymi niedružalubnymi krokami jon naŭmysna pravakuje eskałacyju abstanoŭki ŭ rehijonie, što nie spryjaje cyvilizavanamu dvuchbakovamu dyjałohu».
MZS zajaviŭ pratest z-za zapusku ŭkrainskaha bieśpiłotnika na terytoryju Biełarusi.
Kamientaryjeŭ ukrainskaha boku pakul nie było.
Kamientary