Parłamient Kazachstana admianiŭ nieabchodnaść uzhadnieńnia z Nazarbajevym asnoŭnych napramkaŭ palityki
Mažylis (nižniaja pałata) parłamienta Kazachstana pryniaŭ zakanadaŭčyja papraŭki, jakija admianiajuć nieabchodnaść ŭzhadnieńnia z eks-prezidentam Nursułtanam Nazarbajevym asnoŭnych napramkaŭ unutranaj i źniešniaj palityki.
Papraŭku ŭ zakon «Ab uniasieńni źmianieńniaŭ i dapaŭnieńniaŭ u niekatoryja kanstytucyjnyja zakony Respubliki» prapanavała vierchniaja pałata parłamienta (Sienat) 27 studzienia.
Takim čynam, zakon ličycca pryniatym parłamientam i budzie nakiravany na podpis prezidentu Kasym-Žamartu Takajevu, paviedamlaje «Novaja hazieta».
Status jełbasy zamacavany ŭ zakonie, pryniatym u 2000 hodzie, a nieabchodnaść uzhadnieńnia ź im dziaržpalityki była zamacavanaja papraŭkami 2010 hoda.
Adnačasova z hetym pryniaty Kanstytucyjny zakon praduhledžvaje źmieny ŭ artykuł zakona «Ab pieršym prezidencie», zhodna ź jakimi Nazarbajeŭ nie budzie ŭznačalvać Asambleju naroda Kazachstana (ANK) i Radu biaśpieki krainy. Nazarbajeŭ pieradaŭ paŭnamoctvy kiraŭnika ANK Takajevu ŭ 2021 hodzie, pasady kiraŭnika Rady biaśpieki jon pazbaviŭsia padčas pratestaŭ.
Pieršamu prezidentu, pavodle papravak, jakija byli apublikavanyja 20 studzienia, zachavajuć prava ŭvachodzić u skład Kanstytucyjnaj rady respubliki i vystupać va ŭradzie i parłamiencie.
U Kazachstanie 2 studzienia z-za pavyšeńnia cen na haz pačalisia masavyja pratesty. Jany chutka raspaŭsiudzilisia pa ŭsioj krainie i pieraraśli ŭ siłavyja sutyknieńni. Samyja žorstkija sutyčki išli ŭ byłoj stalicy krainy Ałmaty. Urad Kazachstana pajšoŭ u adstaŭku, a prezident uvioŭ nadzvyčajnaje stanovišča na ŭsioj terytoryi krainy. Paśla pačalisia pierastanoŭki na kirujučych pasadach u orhanach ułady i bujnych kampanijach.
18 studzienia Nazarbajeŭ upieršyniu paśla pratestaŭ źjaviŭsia na publicy. Jon nazvaŭ siabie piensijanieram i zajaviŭ, što studzieńskija pratesty i biesparadki ŭ krainie stali «atakaj na Kazachstan z metaj razburyć asnovy dziaržavy».
Čytajcie taksama:
Źmiaściŭ Nazarbajeva i staŭ sapraŭdnym lidaram Kazachstana. Što ekśpierty pa Siaredniaj Azii kažuć ab pratestach u Kazachstanie
Takajeŭ nazvaŭ praliki Nazarbajeva urokam budučym prezidentam Kazachstana
-
Śpiavačka Aryjana Hrande zapatrabavała ad Biełaha doma nie vykarystoŭvać jaje piesień u antyimihracyjnych rolikach
-
12‑hadovuju ispanskuju dziaŭčynku zhvałcili piać adnakłaśnikaŭ na dni naradžeńnia. Im za heta ničoha nie budzie
-
Pamierła tajskaja pryncesa Badžrakicijabcha — starejšaja dačka karala i abaronca pravoŭ viaźniaŭ. Try hady jana była ŭ komie
Ciapier čytajuć
Biełarus zrabiŭ prapanovu kachanaj kala znakamitaha fantana Trevi ŭ Rymie — pad apładysmienty dziasiatkaŭ turystaŭ20
Kamientary