Sienat Kazachstana prapanavaŭ pazbavić Nazarbajeva jašče adnaho pryvileju
Sienat Kazachstana vystupiŭ ź inicyjatyvaj źmianić status pieršaha prezidenta Kazachstana — jełbasy, jakim vałodaje Nursułtan Nazarbajeŭ. Jon prapanuje bolš nie ŭzhadniać ź im asnoŭnyja napramki ŭnutranaj i źniešniaj palityki.
Status pieršaha prezidenta zamacavany ŭ adpaviednym zakonie, pryniatym u 2000 hodzie. Nieabchodnaść uzhadnieńnia ź im dziaržaŭnaj palityki była zamacavanaja papraŭkami 2010 hoda.
Zakonaprajekt Ab uniasieńni źmianieńniaŭ u zakanadaŭčyja akty, źviazanyja sa statusam pieršaha prezidenta, byŭ uchvaleny mažylisam (nižniaj pałataj) 19 studzienia i pastupiŭ na razhlad u sienat. Siarod papravak — u zakonie Ab Asamblei naroda Kazachstana (kansultatyŭnym orhanie pry prezidencie) vyklučajecca pažyćciovaje prava jełbasy ŭznačalvać jaje, u zakonie Ab Radzie biaśpieki — pažyćciovaje prava ŭznačalvać Radu biaśpieki. Hety zakonaprajekt sienat uchvaliŭ, uniosšy jašče adnu papraŭku — ab admienie nieabchodnaści ŭzhadnieńnia z Nazarbajevym asnoŭnych napramkaŭ palityki.
Zakonaprajekt dla ŭstupleńnia ŭ siłu pavinien padpisać prezident Takajeŭ.
Pałažeńnie ab pravie prezidenta Kazachstana Nursułtana Nazarbajeva pažyćciova ŭznačalvać Radu biaśpieki krainy było kančatkova zamacavana ŭ 2018 hodzie. Praz hod, u 2019 hodzie, jon pakinuŭ pasadu prezidenta, novym kiraŭnikom dziaržavy staŭ były dypłamat Kasym-Žamart Takajeŭ. Adnak Nazarbajeŭ zachavaŭ za saboj vialiki abjom paŭnamoctvaŭ. Častkova admaŭlacca ad ich jon pačaŭ jašče da pačatku studzieńskich biesparadkaŭ u Kazachstanie. U listapadzie 2021 hoda Nazarbajeŭ pakinuŭ pasadu staršyni kirujučaj partyi «Nur Atan», a ŭ krasaviku taho ž hoda — pasadu staršyni Asamblei naroda Kazachstana.
Čytajcie taksama:
Mažylis Kazachstana prahałasavaŭ za pazbaŭleńnie Nazarbajeva pažyćciovych pasad
«Ja na piensii, u stalicy. Nikudy nie źjazdžaŭ». Nazarbajeŭ vystupiŭ sa zvarotam
Dejełbasizacyja. U Kazachstanie źnikajuć tablički ź imieniem Nazarbajeva, a dziasiatki tysiač ludziej padpisvajuć pietycyju za viartańnie Astany
Mierkavańnie: Abviaščaj siabie pažyćciovym nie abviaščaj…
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami21
Kamientary