Dejełbasizacyja. U Kazachstanie źnikajuć tablički ź imieniem Nazarbajeva, a dziasiatki tysiač ludziej padpisvajuć pietycyju za viartańnie Astany
Jak paviedamlaje KazTAH, na marmurovaj tabličcy pierad budynkam Fonda Nazarbajeva ŭ Nur-Sułtanie źnikła jaho nazva. Niama bolš ukazańnia aŭtarstva Nazarbajeva i pad cytataj u zale budynka palicyi ŭ Ałmaty. Heta zaŭvažyli na fota z narady z udziełam prezidenta Takajeva. I heta nie adzinyja prajavy raspačataj pastupovaj «dejełbasizacyi» krainy.
Vydańnie zaznačaje, što padčas adnaŭlenčych rabot ŭ Ałmaty budaŭniki nie śpiašajucca viartać tablički na praśpiekcie Nazarbajeva. A ŭłady Tałdykarhana, dzie skinuli pomnik pieršamu prezidentu krainy, uchilajucca ad pytańniaŭ ab adnaŭleńni statui.
Pietycyju ab viartańni horadu Nur-Sułtan raniejšaj nazvy padpisali zvyš 80 tysiač čałaviek. U tekście taksama prosiać dać vulicam, nazvanym u honar Nazarbajeva, niejtralnyja nazvy.
Z kanca śniežnia pieršy prezident Kazachstana nie źjaŭlajecca na publicy.
Kamientary