Rearhanizacyja chutkaj dapamohi i paniaćcie miedyčnaj pamyłki. Piać prapanoŭ nakont budučaj reformy ŭ sistemie achovy zdaroŭja
Biełaruskaja miedycyna ciapier znachodzicca ŭ dosyć składanym stanie: z adnaho boku, na miedykaŭ lahła mocnaja nahruzka z-za karanavirusa, z druhoha boku — u halinie iduć takija ž palityčnyja zvalnieńni, jak i ŭ inšych śfierach. Abjadnańnie biełaruskich miedykaŭ i štab Śviatłany Cichanoŭskaj prapanoŭvajuć varyjanty vyrašeńnia šmatlikich prablem biełaruskaj miedycyny.
Miedyki ličać, što ŭ hety momant metaj achovy zdaroŭja Biełarusi źjaŭlajecca nie vyratavańnie ludziej, a vykanańnie płana, z-za čaho Ministerstva achovy zdaroŭja prymušaje falsifikavać statystyku ŭ intaresach prapahandy.
Asnoŭnyja prablemy, na dumku śpiecylistaŭ, heta pierapracoŭki, adtok kadraŭ i biurakratyčnyja pieraškody, jakija ŭpłyvajuć na košt impartnych lekaŭ i abciažarvajuć zakupku jakasnych zamiežnych kamplektujučych i techniki.
Asobnuju zapakojenaść vyklikaje nieabaronienaść miedykaŭ. Heta pryvodzić da ŭtojvańnia danych pra ŭskładnieńni i paharšeńnie fizičnaha abo emacyjnaha stanu čałavieka, nienaŭmysna spravakavanaha miedrabotnikam.
Abstavinami, jakija pieraškadžajuć raźvićciusvajoj haliny ŭ Biełarusi miedyki ličać kosnaje zakanadaŭstva, biaździejnaść prafsajuzaŭ, biurakratyzacyju sistemy, karumpavanaść u pytańniach licenzavańnia i adsutnaść hałosnaści ŭ pracy Ministerstva achovy zdaroŭja i hałoŭuračoŭ.
Byli vypracavanyja piać prapanoŭ, jakija mohuć być vyražanyja zakanadaŭčymi źmienami:
• prapisać u zakonie paniaćcie ab miedyčnaj pamyłcy i ŭskładnieńni;
• stvaryć niezaležnyja kamisii pa razbory sprečnych vypadkaŭ;
• źniać barjer dla impartu, to-bok admianić rehistracyju i pierarehistracyju lekaŭ i miedycynskich pryład pry najaŭnaści siertyfikataŭ ES i dopusku na rynak Jeŭropy;
• dadać pracu pa śpiecyjalnaści ŭ emihracyi ŭ pracoŭny staž;
• pravieści rearhanizacyju pracy chutkaj dapamohi.
Asobna abmiarkoŭvali prablemy sudova-miedycynskaj ekśpiertyzy. Nakolki heta važna, biełarusy zrazumieli padčas padziejaŭ 2020 hoda. Paciarpiełym było vielmi ciažka atrymać dokazy naniasieńnia škody zdaroŭju z boku siłavikoŭ.
Na sustrečy prapanavali vydzielić sudova-miedycynskuju ekśpiertyzu ŭ asobnuju strukturu, jakaja nie padparadkoŭvajecca ni Ministerstvu achovy zdaroŭja, ni pravaachoŭnym orhanam, sa stvareńniem całkam aŭtanomnaj arhanizacyi.
Heta dazvolić joj być niezaležnaj jak ad siłavikoŭ, tak i ad Ministerstva achovy zdaroŭja, jakija rehularna cisnuć dla atrymańnia patrebnaha vyniku.
Čytajcie taksama: Biełaruskija daktary vyratavali 2-miesiačnaje dzicia ź ciažkaj pnieŭmanijaj, vyklikanaj karanavirusam
Na Šry-Łancy ŭ 37 hadoŭ pamior biełaruski kinapradziusar Andrej Matałyha4
Kamientary