N.R.M., Recha, Mielnikaŭ, Chamienka i Pamidoraŭ: u Varšavie ładziać kancert salidarnaści z mastakom Alesiem Puškinym
Varšaŭski Centr sučasnaha mastactva «Ujazdoŭski zamak» 14 studzienia ładzić akcyju ŭ padtrymku palitźniavolenaha biełaruskaha mastaka Alesia Puškina.
Siońnia a 19-j hadzinie ŭ budynku Łabaratoryi (zała V. Krukoŭskaha) va Ujazdoŭskim zamku adbudziecca kancert salidarnaści z udziełam N.R.M., Andreja Mielnikava, Aleha Chamienki, hurta RECHA i Alaksandra Pamidorava, jaki zładziła Biełaruskaja rada kultury.
Kancert salidarnaści možna taksama pahladzieć anłajn na youtube-kanale Biełaruskaj rady kultury, nabyć kvitok na kancert (košt — 10 złotych) i takim čynam vykazać salidarnaść z mastakom možna anłajn.
Usie hrošy, atrymanyja ad prodažu kvitkoŭ, buduć skiravanyja na padtrymku represavanych tvorcaŭ.
***
Na vystavie ŭ Hrodnie, u pryvatnym Centry haradskoha žyćcia, demanstravaŭsia partret dziejača antysavieckaha padpolla Jaŭhiena Žychara aŭtarstva Alesia Puškina. Paśla taho, jak na vystavu źviarnuli ŭvahu dziaržSMI, Puškina abvinavavacili ŭ «raspalvańni rasavaj, nacyjanalnaj, relihijnaj albo inšaj sacyjalnaj varožaści» (art. 130, č. 3).
Mastak u toj čas byŭ va Ukrainie, ale viarnuŭsia dachaty, dzie i byŭ aryštavany. Z kanca sakavika jon znachodzicca za kratami.
Niadaŭna Hienprakuratura nakiravała ŭ sud kryminalnuju spravu ŭ dačynieńni da Alesia Puškina — jaho abvinavačvajuć u reabilitacyi nacyzmu i ździeku ź dziaržaŭnych simvałaŭ. Mastaku pahražaje da 12 hadoŭ turmy.
«My majem spravu z tatalnaj zabaronaj na refleksiju». Siarhiej Budkin — pra pazityŭnyja i niehatyŭnyja vyniki hoda ŭ kultury
Ciapier čytajuć
Biaspałaŭ namalavaŭ ludziej sa ściahami ŭ centry Minska i adpraviŭ fota ŭ milicyju. Źjechalisia try mašyny ź mihałkami12
Kamientary