Łyžnik Siarhiej Dalidovič i jaho dačka Darja źbirajucca pakinuć Biełaruś
Dalidovič skazaŭ pra namier pakinuć Biełaruś u interju finskamu vydańniu «Yle», a pryčynaj nazvaŭ palityčny i etyčny składniki.
Pavodle biełaruskaha łyžnika:
«Niekatoryja ludzi zahinuli, mnohija siadzieli ci ciapier znachodziacca ŭ miescach pazbaŭleńnia voli. Majmu siabru, spartovamu žurnalistu Alaksandru Ivulinu, pahražaje čatyry hady za toje, što jon uziaŭ intervju ŭ spartoŭcaŭ, jakija chočuć pieramienaŭ. Kali ŭ takoj situacyi astatnija z nas pramaŭčać, žyćcio bieskarysnaje».
U astatnim, pa słovach Siarhieja, usio jaho zadavalniała i pra nieabchodnaść pakidać radzimu jon havoryć sa skruchaj:
«Trasy dobryja, vučebny centr «Raŭbičy» znachodzicca niedaloka ad našaha doma. Ale ŭ etyčnym sensie abstaviny zusim inšyja. Heta sumna, asabliva dla našaha ajčynnaha łyžnaha sportu. Darečy, u nas nie tak šmat maładych entuzijastaŭ. Naprykład, łyžnic 2002 hoda naradžeńnia niama naohuł».
Dalidovič — ź liku tych spartoŭcaŭ, jakija vykazalisia za sumlennyja vybary i suprać hvałtu siłavikoŭ. Jaho dačka Darja — taksama łyžnica. Dniami stała viadoma, što jaje i Śviatłanu Andryjuk biełaruskija spartovyja čynoŭniki adchilili ad mižnarodnych spabornictvaŭ z palityčnych pryčyn.
Mižnarodnaja fiederacyja łyžnaha sportu pačała pravierku, čamu biełaruskich łyžnic adchilili ad spabornictvaŭ
Biełaruskija ŭłady adchilili ad mižnarodnych spabornictvaŭ dźviuch łyžnic. Spartsmienki kažuć: za pazicyju
Dačku łyžnika Siarhieja Dalidoviča adchilili ad spabornictvaŭ na hod
Łyžnik Dalidovič: Ci fašyst ja, kali vystupaŭ u Lilechamiery ŭ 1994 hodzie pad hetym ściaham?
Aryštavany dyrektar Pałaca Respubliki, adzin z arhanizataraŭ Marafona adzinstva9
Kamientary