«Našy kampanii zmohuć prystojna zarabić na rynku ŭhnajeńniaŭ». Pucin sustreŭsia z hiendyrektaram «Urałchima»
Kiraŭnik Rasii ličyć, što kampanii z Rasii mohuć prystojna zarabić na ŭhnajeńniach z ulikam situacyi na suśvietnym rynku. Ab hetym jon zajaviŭ na sustrečy z hiendyrektaram «Urałchima» Dźmitryjem Maziepinym.
«Našy mety zaklučajucca nie ŭ tym, kab nie dać mahčymaść tym, chto zdabyvaje ŭhnajeńni ŭnutry krainy, atrymlivać adpaviedny prybytak, karystajučysia kanjunkturaj na rynku, a ŭ tym, kab zabiaśpiečvać svoj ułasny rynak nieabchodnym abjomam uhnajeńniaŭ dla sielskaj haspadarki. Ja dumaju, što i taja, i inšaja zadačy vyrašalnyja, choć na pieršy pohlad zdajecca, što jany ŭzajemavyklučalnyja. Tym nie mienš, karystajučysia kanjunkturaj, našy kampanii zmohuć prystojna zarabić, ale pierš za ŭsio, viadoma, pavinny buduć zabiaśpiečyć unutrany rynak», — pryvodzić słovy Pucina pres-słužba Kramla.
Maziepin prainfarmavaŭ Pucina ab situacyi na suśvietnym rynku uhnajeńniaŭ. Pa jaho słovach, ceny vyraśli. Najbujniejšymi spažyŭcami ŭ śviecie zastajucca Kitaj, Brazilija, ZŠA, Jeŭropa i Indyja. Pry hetym ceny stali zanadta vysokimi dla afrykanskich spažyŭcoŭ.
«My zacikaŭlenyja ŭ pracy ŭ Afrycy, ale mahčymaściaŭ u ich niama. Raźvityja krainy abo subsidujuć, albo, naadvarot, zakryvajuć svaje rynki», — skazaŭ Maziepin.
Jon dadaŭ, što Kanada ciapier dźviuma kampanijami kantraluje 30% suśvietnaha rynku kalijnych uhnajeńniaŭ, na Rasiju i Biełaruś prypadaje pa 18%. Kitaj taksama zdabyvaje kalij, ale nie ekspartuje jaho, a naadvarot źjaŭlajecca imparcioram. Usiaho KNR spažyvaje 16 młn t. uhnajeńniaŭ, a vyrablaje 8 młn t.
U toj ža čas u «Biełaruśkalija» mahčymyja prablemy praz admovu Litoŭskaj čyhunki transpartavać biełaruskija ŭhnajeńni. Pres-sakratar Kramla Piaskoŭ siońnia skazaŭ, što Maskva Minsk nie pakinie, ale admoviŭsia adkazać, ci dapamoža z transparciroŭkaj uhnajeńniaŭ praz Rasiju.
Z 1 lutaha Litva skasuje pahadnieńnie pamiž Litoŭskaj čyhunkaj i «Biełaruśkalijem»
«Heta byŭ asnoŭny łahistyčny kalidor». Jak ciapier «Biełaruśkalij» budzie pastaŭlać pradukcyju na ekspart?
Litoŭskaja čyhunka: skasavańnie kantrakta na pastaŭku biełaruskaha kaliju nie aznačaje spynieńnia tranzitu ŭhnajeńniaŭ
Litva znoŭ zakryvaje miažu ź Biełaruśsiu — na niavyznačany termin9
Litva znoŭ zakryvaje miažu ź Biełaruśsiu — na niavyznačany termin
Jeździli šukać navat u BSSR, a nieapaznanaje cieła 30 hadoŭ lažała ŭ śpiecschoviščy. Novyja detali zahadkavaha źniknieńnia ŭ ZŠA biełaruskaha piśmieńnika Mikoły Celeša22
Kamientary