Zdaroŭje

Čamu rekordna šmat chvorych na kavid u krainach z vysokimi ŭzroŭniami vakcynacyi

Vialikabrytanija, Izrail i Aŭstralija — krainy, dzie absalutnaja bolšaść darosłych vakcynavanyja ad COVID-19. Niahledziačy na ​​heta, my nazirajem skačok kolkaści chvorych tam. Čamu tak adbyvajecca — tłumačyć polski sajt medOnet.

Roman Yanushevsky / worldometers.org / Shutterstock

Pa stanie na 4 studzienia 69,9 % žycharoŭ Brytanii prajšli poŭny kurs vakcynacyi. U toj ža dzień u krainie była zafiksavana samaja vysokaja kolkaść vyjaŭlenych vypadkaŭ zaražeńnia karanavirusam z pačatku pandemii: 218 724.

 Štodzionnaja kolkaść zaražeńniaŭ u Vialikabrytanii

U Izraili pa stanie na 4 studzienia dola vakcynavanych dasiahnuła 64 %. Značnaja častka nasielnictva ŭkałoła tam i treciuju dozu. I ŭ hety ž dzień my bačym rekord pa hetaj krainie — 12 255 novych vypadkaŭ zaražeńnia karanavirusam.

 Štodzionnaja kolkaść zaražeńniaŭ u Izraili

Padobnaja situacyja — i ŭ Aŭstralii. U hetaj krainie całkam pryščeplenyja 76,8 % hramadzian (źviestki na 4 studzienia). Jak i ŭ vypadku ź Vialikabrytanijaj dy Izrailem, z pačatku pandemii karanavirusa na toj dzień vypaŭ rekord štodzionnaj rehistracyi novych vypadkaŭ: 47 695.

 Štodzionnaja kolkaść zaražeńniaŭ u Aŭstralii

Čamu kolkaść chvorych u krainach z vysokim uzroŭniem vakcynacyi rekordnaja?

Vakcyny ad COVID-19, jak i vakcyny ad hrypu, nie abaraniajuć ad zaražeńnia na 100 %. Heta, z navukovaha punktu hledžańnia, niemahčyma. Akramia taho, kolkaść antycieł z časam źnižajecca (tamu rekamiendujecca ŭviadzieńnie dadatkovaj, bustarnaj dozy). Akramia taho, vakcyny byli raspracavanyja pad raniejšyja štamy virusa, i kožny nastupny chacia b trochi bolš prabivaje hetuju abaronu (tak było sa štamam Delta, ciapier my bačym heta i na prykładzie Omicron).

Vysokuju kolkaść zaražeńniaŭ u krainach z vysokaj vakcynacyjaj jašče ŭ kastryčniku dobra rastłumačyŭ praf. Kšyštaf Pyrć, kiraŭnik łabaratoryi virusałohii Małapolskaha centra bijatechnałohij Jahiełonskaha ŭniviersiteta ŭ Krakavie. Ekśpiert padkreśliŭ, što hałoŭny dokaz efiektyŭnaści vakcynacyi — mienšaja kolkaść śmierciaŭ, čym u papiarednich chvalach.

— Ich u razy mienš, čym padčas papiarednich chvalaŭ. Heta jaskravy prykład, jaki pakazvaje efiektyŭnaść pryščepki. 

Usia aktualnaja infarmacyja, naprykład, ź Vialikabrytanii, śviedčyć pra mienšuju dolu ludziej, jakija traplajuć z kavidam u balnicy i pamirajuć, — dadaŭ prafiesar Pyrć.

I ciapierašniaja statystyka całkam paćviardžaje jaho racyju. Choć kolkaść zaražeńniaŭ u Vialikabrytanii rekordnaja, dzionnaja kolkaść śmierciaŭ ad COVID-19 značna nižejšaja, čym padčas papiarednich chvalaŭ pandemii. Voś vyjaŭny hrafik.

 Štodzionnaja kolkaść śmierciaŭ u Vialikabrytanii

Karanavirus u Jeŭropie: kolkaść zarehistravanych vypadkaŭ pieravysiła 100 miljonaŭ

Daśledavańni: «Amikron» miakčejšy za papiarednija chvali, ludzi radziej traplajuć u balnicu

Niekatoryja vakcyny ad «amikrona» nie abaraniajuć zusim. Novyja daśledavańni

Kamientary

Ciapier čytajuć

Spoviedź Stryžaka: Ja maju prablemu z seksualnaj zaležnaściu39

Spoviedź Stryžaka: Ja maju prablemu z seksualnaj zaležnaściu

Usie naviny →
Usie naviny

«My dumali, što heta nienadoŭha». Što biełarusam treba vynieści z taktoŭnych namiokaŭ litoŭcaŭ pra movu60

U Minsku źjaviłasia aleja aŭtarskich łavak, stvoranaja pa eskizach školnikaŭ ŠMAT FOTAŬ7

«U nas tatalnaje padzieńnie». Pradstaŭnica dyrektarata Bysol prakamientavała skandał sa Stryžakom36

Litoŭskaje telebačańnie padkreśliła, što ni Cichanoŭskaja, ni jaje pres-sakratarka dahetul nie vałodajuć litoŭskaj movaj89

Aryšt, SIZA i try hady «chimii» za 4 fota rasijskaj vajskovaj techniki. Mikita Łosik raskazaŭ svaju historyju2

Biełaruska raskazała, jak jechała na ciahniku z Adlera ŭ Minsk, jaki vymušany byŭ spynicca praz ataku dronaŭ9

Andreja Stryžaka časova adchilili ad kiravańnia «Bajsołam»49

Ukraina atrymaje abiacanyja Trampam Patriot nie raniej za viasnu 2026 hoda — Spiegel2

Stała viadoma, u jakija VNU sioleta jość niedabor1

bolš čytanych navin
bolš łajkanych navin

Spoviedź Stryžaka: Ja maju prablemu z seksualnaj zaležnaściu39

Spoviedź Stryžaka: Ja maju prablemu z seksualnaj zaležnaściu

Hałoŭnaje
Usie naviny →

Zaŭvaha:

 

 

 

 

Zakryć Paviedamić