Bolšaść biełarusaŭ ličać, što 2021 hod byŭ niadrennym dla ich siemjaŭ. Ale nie dla krainy
Napiaredadni śviataŭ sacyjałahičnaja kampanija SATIO vyvučyła nastroi ŭ hramadstvie. Tak, Novy hod budzie sustrakać bolš za 90% biełarusaŭ. Kožny treci apytany ličyć, što ŭ 2022-m my budziem žyć lepš. Pry hetym tolki 42% biełarusaŭ upeŭnienyja ŭ zaŭtrašnim dni. Ludzi spadziajucca pierš za ŭsio na siabie i svaich blizkich, na materyjalnuju stabilnaść.
55% apytanych paćvierdzili tezis, što biełarusy zmohuć źmianić žyćcio ŭ krainie da lepšaha. Stolki ž vierać u toje, što našy dzieci buduć žyć lepš za nas.
Čakańni ad dziaržavy kudy mienšyja: tolki 23% vierać, što ŭzrovień karupcyi źnizicca za dva-try hady, i 22% vierać, što źnizicca ŭzrovień niaroŭnaści ŭ hramadstvie.
Apytańnie taksama pakazvaje ŭzrovień relihijnaści biełarusaŭ. Hałoŭnym śviatam zastajecca Novy hod, jaho śviatkuje bolš za 90%. Tolki pravasłaŭnaje Rastvo śviatkujuć 44% biełarusaŭ, tolki katalickaje — 6%. Abodva śviaty (i Novy hod, i Rastvo) — 20% nasielnictva.
Na śviatkavańnie biełarusy traciać kala traciny svajho zarobku (kala 400 rubloŭ), bolš za ŭsio hrošaj sychodzić na padarunki rodnym.
Biełarusy ličać, što 2021 hod dla ich i ich siemjaŭ byŭ niadrennym, ale dla krainy i śvietu hety hod byŭ nie samym dobrym (tak adkazała 57% apytanych).
Čytajcie taksama: Milicyja budzie rekłamavać žyćcio ŭ Biełarusi, kab da nas pryjechała bolš zamiežnikaŭ
Ciapier čytajuć
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek3
Kamientary