Mietro da «Słuckaha haścinca» i vada z padziemnych krynic: minskija deputaty zaćvierdzili płany na piacihodku
Prahramu sacyjalna-ekanamičnaha raźvićcia stalicy na 2021-2025 hady zaćvierdzili deputaty Minharsavieta siońnia na čarhovaj siesii, piša BiełTA.

Paviedamlajecca, što prajekt raspracavany z ulikam pałažeńniaŭ respublikanskaj prahramy na piacihodku i dziaržaŭnych prahram sacyjalna-ekanamičnaj nakiravanaści.
Tak siaredni zarobak «brudnymi» da 2025 hoda pavinien skłaści 109,1% da ŭzroŭniu 2021 hoda.
Inviestycyi ŭ asnoŭny kapitał u 2025 hodzie da 2020 pavinny vyraści na 22,4% (štohod dadajučy), sukupnyja pastupleńni dachodaŭ kansalidavanaha biudžetu Minska — na 54,8%.
Zapłanavany ŭvod u ekspłuatacyju 3 młn kvadratnych mietraŭ žylla, płanujecca raźvićcio sietkavaha biznesu ŭ śfiery hramadskaha charčavańnia. Pradpryjemstvy bytavoha absłuhoŭvańnia pa typie multyservisnych kropak buduć pieravažna stvaracca na bazie bujnych handlovych centraŭ. Źjavicca kala sta takich novych abjektaŭ.
U 2022 hodzie na šerahu vulic dadatkova ŭładkujuć vydzielenyja pałosy dla hramadskaha transpartu. U 2023 hodzie płanujecca zapuścić ruch pa ŭčastku treciaj linii mietro ad stancyi «Kavalskaja Słabada» da «Słuckaha haścinca». Praciahniecca pierachod na elektryčnyja ekałahičnyja vidy hramadskaha transpartu.
U damach zamieniać zvyš 1,5 tysiač liftaŭ. Taksama paviedamlajecca, što budzie ažyćcioŭleny stoadsotkavy pieravod na vodazabieśpiačeńnie z padziemnych krynic.
-
Kala «Pieršaha nacyjanalnaha handlovaha doma» ŭ Minsku testujuć novyja śviatłafory FOTY
-
«Nakiravaŭ aŭtamabil u bok palicyjantaŭ». U polskaj prakuratury prakamientavali spravu sa stralboj pa biełarusie ŭ Polščy
-
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Ciapier čytajuć
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času
Kamientary