Sałdat, jaki ŭciok u Biełaruś, zajaviŭ, što polskija vajskoŭcy zastrelili vałancioraŭ, jakija chacieli dapamahčy mihrantam
U efiry dziaržSMI polski sałdat Emil Čečka, što źbieh u Biełaruś, zajaviŭ, što byŭ śviedkam dvuch vypadkaŭ zabojstva polskimi siłavikami vałancioraŭ. Videa jaho apaviadańnia publikujuć praŭładnyja telehram-kanały.
U intervju dziaržSMI Čečka zajaviŭ, što asabista bačyŭ, jak polskija sałdaty zabili vałancioraŭ.
— Ja byŭ u takoj situacyi, kali padjazdžaŭ vałancior i pačynaŭ kazać: «Kudy vy ich viedziacie?». A pamiežnik paprostu streliŭ jamu ŭ łob, — raspavioŭ palak.
Čečka zajaviŭ, što byŭ śviedkam dvuch takich vypadkaŭ.
16 śniežnia ŭ 17:50 na ŭčastku pamiežnaj zastavy Tušemla biełaruskimi pahraničnikami ŭ pamiežnaj pałasie byŭ spynieny polski vajskoviec, 25-hadovy Emil Čečka. Chłopiec zajaviŭ, što zjaŭlajecca vajskoŭcam 16-j Pamorskaj miechanizavanaj dyvizii, častki jakoj byli pierakinutyja dla achovy ŭčastka miažy ź Biełaruśsiu padčas dziejańnia nadzvyčajnaha stanovišča na pamiežnych terytoryjach.
Ministr abarony Polščy Maryjuš Błaščak napisaŭ u Twitter, što chłopiec mieŭ prablemy z zakonam.
Kamientaryjeŭ polskaha boku nakont zajavy Čečki ab zabojstvie vałancioraŭ pakul nie było.
Biehły polski sałdat zajaviŭ, što polskija vajskoŭcy «stralali ŭ łob» vałancioram. Žurnalist tłumačyć, što heta moža značyć
«Heta historyja nie pra situacyju na miažy, a pra kryvavyja fantazii dziaržprapahandy». Frydman — pra dziaržSMI i polskaha sałdata
Sustreču Ryžankova ź Sikorskim paprasiŭ Minsk. Što kamanda Cichanoŭskaj abmiarkoŭvała z palakami da i paśla jaje11
Kamientary