MZS Estonii: Biełaruski tranzit praz krainu nie parušaje sankcyj
Kampanii, jakija zajmajucca pasiarednictvam u pastaŭkach naftapraduktaŭ i inšych tavaraŭ ź Biełarusi na źniešni rynak praz Estoniju, nie parušajuć sankcyi, uviedzienyja ŭ dačynieńni da aficyjnaha Minska, piša Delfi.
«Ciapier u Ministerstva zamiežnych spraŭ niama padstaŭ mierkavać, što estonskaje dziaržaŭnaje pradpryjemstva abo kampietentnyja ŭstanovy parušyli ŭstanoŭlenyja sankcyi. Kali abmiežavańni stanuć bolš dakładnymi abo źmieniacca, ich, viadoma, varta pierahledzieć», — skazała ERR pres-sakratar Ministerstva zamiežnych spraŭ Kryścina Ots.
U aŭtorak vydańnie Eesti Päevaleht paviedamiła, što aficyjny Minsk, jaki trapiŭ pad sankcyi, moža aktyŭna ekspartavać naftapradukty i inšyja tavary praz estonskija party, pryčym abaroty ŭ hetym hodzie dasiahajuć rekordnych pakazčykaŭ.
Ots patłumačyła, što Estonija prymianiaje sankcyi, pryniatyja AAN, ES i estonskaj dziaržavaj. «U dačynieńni da Respubliki Biełaruś dziejničajuć abmiežavalnyja miery, uviedzienyja Jeŭrapiejskim sajuzam dla fizičnych i jurydyčnych asob, a taksama siektaralnyja sankcyi ŭ roznych halinach, naprykład u finansavaj śfiery», — skazała jana.
«Ruch tavaraŭ kantralujuć mytnia Łatvii i padatkova-mytny departamient Estonii, a pieravozčyki tavaraŭ pravieryli adpaviednaść tavaraŭ sankcyjnym śpisam i parušeńniaŭ nie vyjavili», — padkreśliła Ots.
Ciapier čytajuć
Adstaŭny ministr-karupcyjanier pradaje reśpiektabielny katedž kala Drazdoŭ. Prosić $2 miljony2
Kamientary