Prapahanda nakinułasia na A1 i zaklikaje nacyjanalizavać kampaniju. Nakolki heta mahčyma?
Paśla aryštu pres-sakratara sotavaha apieratara A1 Mikałaja Bredzieleva ad praŭładnych kamientataraŭ stali pastupać zakliki da nacyjanalizacyi hetaha biznesu. Ci realny hety scenaryj?
Abaznany surazmoŭca «Našaj Nivy» ličyć, što zakliki da «nacyjanalizacyi» biźniesa — heta ŭsio tolki skuholeńnie prapahandystaŭ, jakija dalokija ad razumieńnia takich pracesaŭ i dziejničajuć pa inercyi, u svaim režymie pošuku vorahaŭ naroda.
«Nastupstvaŭ dla biźniesa ja nie baču. Aryšt pres-sakratara na dziejnaści A1 nijak nie skažacca. Heta prykładna jak aryštavać dziaŭčynku z koł-centra. Heta nie top-mieniedžar, — kaža naš surazmoŭca. — Ale i sadžać nikoha z top-mieniedžaraŭ sensu niama.
A1 heta nie «Sihmapolus» i nie Green. Niama takoha miechanizma, jak z našymi biznesmienami — pasadziŭ bienieficyjara i čakaješ «vykupu» u vyhladzie naličanaj «kampiensacyi škody».
Pa słovach krynicy «Našaj Nivy», ź mižnarodnymi kampanijami pasadka kaho zaŭhodna ŭ Biełarusi sensu nie maje. A1 — heta častka aŭstryjskaj A1 Telekom Austria, jakaja, u svaju čarhu, — «dačka» A1 Telekom Austria Group, a taja — «dačka» Amierica Movil. Najechać na A1 — heta ŭ vyniku aznačaje najechać na amierykancaŭ.
«I dziela čaho? Mabilnaja suviaź — heta nie biržavy tavar, jaki možna praciahnuć pradavać i tak, prosta zamianiŭšy ŭłaśnika, — ličyć naš kansultant. — Telekamunikacyi — heta składany biznes z proćmaj dvuchbakovych damovaŭ, pačynajučy z roŭminhu. Heta prahramnaje zabieśpiačeńnie i składanaje abstalavańnie, jakoje harantavana trapić pad sankcyi ŭ vypadku adnimańnia.
Tabie ničoha nie pastaviać, tabie ničoha nie padtrymajuć, partniory admoviacca ad supracoŭnictva — biznes laśniecca. Možna čakać, što ŭ vypadku nacyjanalizacyi ci źniščeńnia pad sankcyi trapić usia halina, i MTS pamre śledam — jon napałovu dziaržaŭny».
Ciapier čytajuć
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami3
Kamientary