U Amsterdamie ŭ testavym režymie zapuścili łodki-robaty: jany buduć pieravozić ludziej i źbirać śmiećcie
U stalicy Niderłandaŭ pačalisia vyprabavańni aŭtanomnych elektryčnych sudoŭ pad nazvaj Roboats («robałodki»). Dziakujučy modulnaj kanstrukcyi jany transfarmujucca i adaptujucca pad roznyja zadačy, pieradaje tjournal.ru.
Tak, robaty mohuć pieravozić hruz abo pasažyraŭ, źbirać śmiećcie pa šlachu ruchu i navat złučacca adzin z adnym dla farmavańnia płyvučaj infrastruktury, naprykład dokaŭ abo mastoŭ.
U asnovie sudna lažyć elektrapłatforma z akumulataram, ruchalnaj ustanoŭkaj i sistemami kiravańnia, u tym liku dla analizu vady ŭ realnym časie. Aryjentavacca ŭ prastory dapamahajuć kamiery z vuhłom ahladu ŭ 360° i lidary — jak u bieśpiłotnych aŭtamabilach.
Vierchniaja častka płatformy ŭzajemazamianialnaja. Pasažyrski modul abstalavany siadzieńniami i źmiaščaje 5-6 čałaviek. Čas aŭtanomnaj pracy — kala 10 hadzin, pry hetym «robałodki» padtrymlivajuć biespravadnuju zaradku.
Prajekt raspracavany łabaratoryjaj kampjutarnych navuk i štučnaha intelektu MTI (CSAIL) u supracoŭnictvie z Amsterdamskim instytutam pieradavych haradskich rašeńniaŭ (AMS).
Pa słovach prafiesara Karła Raci, pryłady jašče znachodziacca ŭ stadyi testavańnia, ale ŭ arhanizacyi ŭžo jość płany pa ich zapusku ŭ kamiercyjnuju ekspłuatacyju.
«Na ciapierašni momant heta jašče pratatyp. Kiravańnie budzie adbyvacca z dapamohaj sensarnaha interfiejsu. Vy prosta pakazvajecie punkt pryznačeńnia, i łodka dastavić vas tudy, kudy treba», — raspavioŭ raspracoŭščyk.
-
Jak surjoznaje daśledavańnie mozhu muški pieratvaryłasia ŭ internet-miem — madel jaje mozhu navučyli hulać u Doom i handlavać kryptavalutaj
-
Tyranazaŭru «pamierali tempieraturu» praz 66 miljonaŭ hadoŭ. Voś što vyśvietliłasia
-
«Hulajcie ŭ videahulni abo budziecie tupymi!» Što za daśledavańnie pracy mozhu tak uschvalavała Iłana Maska
Kamientary