«Padazreńni ŭ sprobie dziaržpieravarotu supracoŭnikaŭ centralnaha aparatu MUS». Chakiery źlili ŭ sietku novuju partyju «danosaŭ»
U vieraśni abjadnańnie chakieraŭ zajaviła pro ŭzłom bazy zvankoŭ na liniju 102. Tady jany źlili danyja pra 2842 čałaviek, jakija ŭ žniŭni-vieraśni paviedamlali ŭ milicyju pra bieł-čyrvona-biełyja ściahi i stužki, ludziej, što źbirajucca na pratesty, i hetak dalej. Siońnia źjaviłasia druhaja partyja źviestak — heta bolš za 1400 čałaviek. I źmiest ich zvankoŭ.
Paviedamleńni raźmierkavanyja pa karcie i niekatoryja vyhladajuć tak.
«Vałodaje faktami, jakija śviedčać pra nieabchodnaść pravierki i pieradačy materyjałaŭ u śledčyja orhany pa padazreńni ŭ sabatavańni i ŭdziełu ŭ putčy i sprobie dziaržaŭnaha pieravarotu niekatorych supracoŭnikaŭ centralnaha aparatu MUS», — paviedamlaje žychar Minska.
«Nieviadomyja asoby raspaŭsiudžvajuć pra jaje infarmacyju ab tym, što jana, kali była staršynioj vybarčaj kamisii, falsifikavała vybary», — taki zvanok pastupiŭ z Brasłaŭskaha rajona.
«U cyrulni supracoŭnik nosić biełuju stužku na ruce i nie choča zdymać», — paviedamiŭ žychar Baranavičaŭ. Vyhladaje, što jon jakraz uładalnik toj samaj cyrulni.
«Da vybarčaha ŭčastka padjechaŭ aŭtamabil, ź jakoha vyjšaŭ (imia i proźvišča), u jakoha na adzieńni była biełaja stužka, a z mašyny cicha ihrała muzyka «Ja čakaju pieramien», i ŭ mašynie lažaŭ ściah biełaha koleru», — takoje paviedamleńnie było ŭ Rasonskim rajonie.
Miž tym abjadnańnie chakieraŭ adznačaje, što, niahledziačy na tysiačy imionaŭ u ich śpisie, kolkaść takich ludziej składaje mienš za 0,1% nasielnictva.
Ministerstva ŭnutranych spraŭ dahetul nie prakamientavała ni ŭzłom bazy linii «102», ni AIS «Pašpart».
Čytajcie taksama:
«Na mianie samoha napisali čatyry danosy». Historyk Ihar Kuźniacoŭ pra źlituju bazu zvarotaŭ u milicyju i paraleli z 1930-mi
Jak biełarusam dalej žyć sa stukačami i achviarami? Vopyt niamieckaha hramadstva, jakomu daviałosia pryznać kalektyŭnuju vinu
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie63
Kamientary