Jak padčas pandemii načalnik z HUBAZiK uładkoŭvaje ŭ dvuchmiesnuju pałatu svajho baćku i jaho sužycielku — novy źliŭ
U toj čas, jak u Breście pad pałaty dla karanavirusnych chvorych pieraabstaloŭvajuć navat stałovyja, namieśnik načalnika 6-ha ŭpraŭleńnia HUBAZiK Andrej Baranoŭski pa błacie biez prablem uładkoŭvaje svajho baćku i jaho sužycielku ŭ dvuchmiesnuju pałatu. Tak śćviardžajuć byłyja siłaviki, jakija apublikavali novy źliŭ telefonnaj razmovy.
U apublikavanym aŭdyjazapisie hučać, pa viersii byłych siłavikoŭ, hałasy, jakija naležać namieśniku načalnika 6-ha ŭpraŭleńnia pa Bresckaj vobłaści HUBAZiK MUS Andreju Baranoŭskamu i hałoŭnamu doktaru Bresckaj centralnaj haradskoj balnicy Alehu Vialičku.
A. B.: Aleh Ivanavič, ja pahavaryŭ z baciem. Karaciej, treba pakłaści jaho. Jon pačynaje kašlać užo. Ja dumaju, tut niama čaho ciahnuć.
A. V.: Nu dobra, chaj jedzie ŭ pryjomnaje adździaleńnie.
A. B.: Zaŭtra ranicaj jany tady pryjeduć udvaich u pryjomnaje adździaleńnie. A dvuchmiesnaja pałata budzie niejkaja? Znojdziem?
Vialička prapanuje pryjechać ciapier, ale Baranoŭski kaža, što «niachaj užo ranicaj źbiarucca dy pryjeduć».
Na nastupnuju ranicu baćka Baranoŭskaha telefanuje synu. U pryjomnym pakoi ŭźnikła nieparazumieńnie, tam ničoha pra jaho nie viedajuć.
Baranoŭski znoŭ telefanuje Vialičku. I situacyja chutka vyrašajecca.
Nastupny zvanok. Baćka paviedamlaje synu, što jaho pakłali ŭ kardyjałohiju, 19 pałata, 9 pavierch. Dvuchmiesnaja pałata. Tempieratury ŭ baćki «nibyta niama».
«Susied adnoj z dačok ministra sielskaj haspadarki. Zadača — jaho na miesca pastavić». Źjaviŭsia novy źliŭ ad byłych siłavikoŭ
«Bamžy, kančy, kab jany razumieli, što sutki, bł***, heta nie adpačyć na dvuch matracach». Źjaviŭsia novy źliŭ ad chakieraŭ
Ciapier čytajuć
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja11
Kamientary