Як падчас пандэміі начальнік з ГУБАЗіК уладкоўвае ў двухмесную палату свайго бацьку і яго сужыцельку — новы зліў
У той час, як у Брэсце пад палаты для каранавірусных хворых пераабсталёўваюць нават сталовыя, намеснік начальніка 6-га ўпраўлення ГУБАЗіК Андрэй Бараноўскі па блаце без праблем уладкоўвае свайго бацьку і яго сужыцельку ў двухмесную палату. Так сцвярджаюць былыя сілавікі, якія апублікавалі новы зліў тэлефоннай размовы.
У апублікаваным аўдыязапісе гучаць, па версіі былых сілавікоў, галасы, якія належаць намесніку начальніка 6-га ўпраўлення па Брэсцкай вобласці ГУБАЗіК МУС Андрэю Бараноўскаму і галоўнаму доктару Брэсцкай цэнтральнай гарадской бальніцы Алегу Вялічку.
А. Б.: Алег Іванавіч, я пагаварыў з бацем. Карацей, трэба пакласці яго. Ён пачынае кашляць ужо. Я думаю, тут няма чаго цягнуць.
А. В.: Ну добра, хай едзе ў прыёмнае аддзяленне.
А. Б.: Заўтра раніцай яны тады прыедуць удваіх у прыёмнае аддзяленне. А двухмесная палата будзе нейкая? Знойдзем?
Вялічка прапануе прыехаць цяпер, але Бараноўскі кажа, што «няхай ужо раніцай збяруцца ды прыедуць».
На наступную раніцу бацька Бараноўскага тэлефануе сыну. У прыёмным пакоі ўзнікла непаразуменне, там нічога пра яго не ведаюць.
Бараноўскі зноў тэлефануе Вялічку. І сітуацыя хутка вырашаецца.
Наступны званок. Бацька паведамляе сыну, што яго паклалі ў кардыялогію, 19 палата, 9 паверх. Двухмесная палата. Тэмпературы ў бацькі «нібыта няма».
«Сусед адной з дачок міністра сельскай гаспадаркі. Задача — яго на месца паставіць». З'явіўся новы зліў ад былых сілавікоў
«Бамжы, канчы, каб яны разумелі, што суткі, бл***, гэта не адпачыць на двух матрацах». З'явіўся новы зліў ад хакераў
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары