«Bamžy, kančy, kab jany razumieli, što sutki, bł***, heta nie adpačyć na dvuch matracach». Źjaviŭsia novy źliŭ ad chakieraŭ
Abjadnańnie chakieraŭ apublikavała telefonnyja razmovy, u jakich abmiarkoŭvajecca, jakija ŭmovy stvaryć dla ludziej, što siadziać pa palityčnych artykułach.
Na pieršym zapisie čujecca hołas, padobny da hołasa pieršaha namieśnika načalnika UUS Minabłvykankama Vitala Kazłova i hołas namieśnika načalnika milicyi hramadskaj biaśpieki UUS Minabłvykankama Mikałaja Maksimovič
«Muryn addavaŭ kamandy, kab usie hetyja, bł****, pi*****io, bł****, asudžanyja, bł****, «bamžy», bł****, kamiery, nach**, usio astatniaje. Jak heta adbyvajecca z Bukataj sa Stoŭbcaŭ», — kaža hołas, padobny da hołasa Kazłova.
Dalej iduć narezki z hołasam, padobnym da hołasa Maksimoviča i načalnikaŭ UUS roznych rajonaŭ Minskaj vobłaści — Alaksandra Karatyša (Staŭbcoŭski rajon), Alaksandra Šaravara (Salihorski RUUS) i namieśnika načalnika Paŭła Źmiciera (Barysaŭski rajon). Śćviardžajecca, što Maksimovič addaje zahady načalnikam, jakim čynam im dziejničać z zatrymanymi pa artykule 23.34 KoAP.
Voś niekatoryja cytaty z apublikavanych razmoŭ:
«Samyja ch**ovyja matracy, ledź nie irvanyja tam bł***, vašyvyja. […] Ciapier daju kamandu bamžoŭ im znajści. Chlorkaj apracoŭvać 3 razy».
«Kali rašeńnie suda — sutki, to ŭ IČU dla ich pavinny być stvoranyja samyja kamfortnyja ŭmovy, tolki na 180 hradusaŭ paviernutyja. Vodary bł***, uborka chlorkaj i hetak dalej. U miežach dziejsnaha zakanadaŭstva, biezumoŭna».
«U ramkach dziejnaha zakanadaŭstva, biezumoŭna, ale razam z tym, bł***, bamžy, kančy, kab jany razumieli, što sutki, bł***, heta nie adpačyć na dvuch matracach».
«I heta ŭsio pavinna być adnaznačna dla hetaj katehoryi zaŭsiody».
U źlivie šmat niecenzurnaj i abraźlivaj leksiki ŭ dačynieńni da palitviaźniaŭ i niekatorych siłavikoŭ, jakija nie prajaŭlajuć dastatkovaj inicyjatyvy.
Ciapier čytajuć
Učora Minsk znoŭ zatapiła. Čamu stalica nie hatovaja da daždžoŭ?2
Kamientary