Toj samy adzin z hałoŭnych łukašenkaŭskich prapahandystaŭ, aŭtar skandalna viadomaha filma «Dzieci chłuśni».
Adzin z hałoŭnych łukašenkaŭskich prapahandystaŭ, aŭtar skandalna viadomaha filma «Dzieci chłuśni» Jury Azaronak ciapier pracuje dyrektaram novaha telekanału — «Žiest‑TV», zasnavanym hramadskim abjadnańniem «Biełaruskaje tavarystva hłuchich».
‑ Heta dobry, siamiejny, spakojny, paznavalny kanał, jaki tolki pačynaje svajo viaščańnie praź minskuju kabielnuju sietku, — raspavioŭ www.udf.by televizijny dziejač, viadomy z cvaich adyjoznych filmaŭ. Ź jaho słoŭ na telekanale dla hłuchich nie abychodzicca biez palityki:
‑ My apaviadajem pra ŭsio toje dobraje, što robicca ŭ našaj dziaržavie.Asnovu ž efiru składajuć — telesieryjały, multfilmy, paznavalnyja prahramy, jakija supravadžajucca subtytrami ci pierakładam z dapamohaj žestaŭ.
Datyčna ž svajoj asabistaj pazicyi adzin z hałoŭnych prezidenckich prapahandystaŭ zaznačyŭ:
‑ Ja nikoli nie źmianiaju svaich pierakanańniaŭ.
Nahadajem, što letam 2008 hodu Juryja Azaronka zvolnili z pasady namieśnika staršyni Biełteleradyjokampanii «za učynak, jaki niesumiaščalny z znachodžańniem na dziaržaŭnaj słužbie». Jon ŭznačalvaŭ biełaruskuju delehacyju na fiestyvalu «Jeŭrabačańnie‑2008». Kažuć, što jon tady tak rastroiŭsia paśla niaŭdałaha vystupu Rusłana Alechno, što admoviŭsia jechać z delehacyjaj u Minsk.
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty10
Kamientary