«Biełaruś nie źjaŭlajecca ahrarnaj krainaj. I dziakuj Bohu». Ekanamist paraŭnaŭ rost sielskaj haspadarki i IT
Sielskaja haspadarka zajmaje stratehičnaje miesca ŭ paviestcy biełaruskaj ułady. Dosyć časta pytańnie pasiaŭnoj ci ŭboračnaj stanovicca hałoŭnym na šmatlikich naradach. Paśla ŭčorašniaj čarhovaj narady pa sielskaj haspadarcy ekanamist Leŭ Lvoŭski raspavioŭ, ci nasamreč sielskaja haspadarka Biełarusi hraje viadučuju rolu ŭ ajčynnaj ekanomicy.
«Prosta dla kantekstu: u sielskaj haspadarcy zadziejničany 8,7% biełarusaŭ, zaniatych u ekanomicy, i hetaja ličba stabilna padaje. Stvarajuć jany 6,7% vałavoha ŭnutranaha praduktu, — piša Lvoŭski na svajoj staroncy ŭ Facebook. — Siaredni temp rostu hetaha vidu ekanamičnaj dziejnaści z 2011 hoda skłaŭ 1,9%, što, viadoma, vyšej za naš ahulny temp u 1,2%, ale istotna sastupaje tym ža IT ź ich 10,3% u hod».
«Ale prablema zusim nie ŭ tym, što pierśpiektyŭ u hetaj śfiery niama mienavita ŭ nas. Dola suśvietnaha VUP, jakaja prychodzicca na sielskuju haspadarku, pamianšajecca, — piša ekanamist. — Reč nie ŭ pamianšeńni kolkaści ježy, prosta inšyja vobłaści ekanomiki rastuć značna chutčej.
Naša sielskaja haspadarka nie mocna stratnaja, što ŭžo niadrenna. Ale šukać u joj punkt rostu — zaniatak dla ludziej ź vielmi raźvitym ujaŭleńniem.
Za redkimi vyklučeńniami ni adna kraina nie raście, abapirajučysia na sielskuju haspadarku. A krainy ź vialikaj dolaj sielskaj haspadarki ŭ VUP — adny z samych biednych. Takim čynam, nasupierak papularnaj dumcy, Biełaruś nie źjaŭlajecca ahrarnaj krainaj. I dziakuj Bohu».
Nahadajem, što sioleta z-za drennaha ŭradžaju ziernia, pa prahnozach ekśpiertaŭ Jeŭrazijskaha banka raźvićcia, moža paskorycca rost cen. Ministerstva sielskaj haspadarki ŭ siaredzinie vieraśnia adznačyła, što namałot ziernia ŭ hetym hodzie amal na 20% mienšy, čym u minułym.
Čytajcie taksama:
Biełaruś placiecca ŭ chvaście pa zbory zbožža. Śpiecyjalisty tłumačać, čamu tak adbyłosia
JEABR zajaviŭ, što ŭ vieraśni hadavaja inflacyja budzie bolšaj za 10%
U Biełarusi znajšli kopiju šviejcarskich Alpaŭ — ale turystaŭ tam nie čakajuć2
Kamientary