Mininfarm: U publikacyi «Kamsamołki» ŭtrymlivajucca źviestki, jakija sadziejničajuć farmiravańniu pahroz nacbiaśpiecy
Mininfarm prakamientavaŭ błakavańnie sajta «Komsomolskoj pravdy v Biełarusi».
«Na internet-resursie kp.by źmieščana publikacyja, u jakoj utrymlivajucca źviestki, jakija sadziejničajuć farmiravańniu krynic pahroz nacyjanalnaj biaśpiecy, jakija zaklučajucca ŭ štučnym nahniatańni napružanaści i supraćstajańnia ŭ hramadstvie, pamiž hramadstvam i dziaržavaj». Redakcyja «KP u Biełarusi» taksama prakamientavała situacyju vakoł błakavańnia.
«Redakcyja «Kamsamolskaj praŭdy» u Biełarusi» praciahvaje raźbiracca ŭ situacyi, jakaja skłałasia vakoł sajta kp.by.
Adznačym, što na hety momant redakcyja nie atrymała aficyjnaha paviedamleńnia pra abmiežavańnie dostupu da resursu. Pry hetym my hatovyja likvidavać parušeńni, vyjaŭlenyja ŭ našaj publikacyi dziaržaŭnymi orhanami.
Naša redakcyja dziejničaje ŭ rečyščy zbałansavanaj infarmacyjnaj palityki, maksimalna ŭličvajučy ŭvieś tematyčny śpiektr infarmacyjnaha pola Biełarusi.
Žurnalisty «KP» zaŭsiody pracavali dla taho, kab danosić maksimalna poŭnuju infarmacyju da svaich čytačoŭ, imknučysia być pry hetym pieršymi siarod kalehaŭ. Takija realii žurnalisckaj pracy» — havorycca ŭ paviedamleńni redakcyi.
«I asabliva chočam padkreślić: u redakcyjnaj palitycy «KP u Biełarusi» niama mety stvarać napružańnie ŭ hramadstvie. Hetaj mety nivodny z supracoŭnikaŭ vydańnia nikoli nie mieŭ i nie maje».
Taksama redakcyja pryniesła spačuvańni blizkim zahinułaha supracoŭnika KDB.
Učora žurnalisty vydańnia ŭziali kamientar u adnakłaśnicy zabitaha prahramista Andreja Zielcera. Heta adrazu vyklikała chvalu abureńnia i abraz u praŭładnych telehram-kanałach.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Aryštavany dyrektar Pałaca Respubliki, adzin z arhanizataraŭ Marafona adzinstva9
Kamientary