Viktar Kisły ŭznačaliŭ top-100 samych upłyvovych biznesoŭcaŭ Biełarusi pavodle viersii «Ježiednievnika»
U top-100 samych paśpiachovych i ŭpłyvovych biznesoŭcaŭ, jaki skłaŭ u hetym hodzie «Ježiednievnik», Viktar Kisły źmiaściŭ lidara apošnich dvuch rejtynhaŭ Alaksandra Mašenskaha.
Zasnavalnik i klučavy ŭładalnik Wargaming Group užo ŭznačalvaŭ rejtynh «Ježiednievnika» pa vynikach 2016 hoda. U lutym 2016 hoda Kisły byŭ taksama pryznany aficyjnym dalaravym miljarderam vydańniem Bloomberg.
U rejtynhu 2019 hoda Kisły byŭ na 3-m miescy.
U dziasiatku taksama ŭvachodziać:
Alaksiej Aleksin (Enierha-Ojł, 4-je miesca ŭ 2019-m),
Arkadź Dobkin (EPAM Systems, 2-je ŭ 2019-m),
Alaksandr Łucenka (Sodrugestvo Group S.A, 5-je ŭ 2019-m),
Mikałaj Varabiej (Interservis, Absalutbank, 16-m u 2019-m),
Alaksandr Mašenski (1-je miesca ŭ 2019-m),
Viktar Prakapienia (9-je ŭ 2019-m),
Uładzimir Vasilka i Siarhiej Litvin («Jeŭrahandal», 14-je i 15-m u 2019-m),
Alaksandr Center (A-100, 11-je ŭ 2019-m).
Pavodle ej.by trapleńnie i raźmierkavańnie ŭ top-100 (200) paśpiachovych i ŭpłyvovych biznesmienaŭ Biełarusi vyznačajecca dvuma kryterami:
1.Paśpiachovaść — heta faktyčnaja dola kankretnaj asoby ŭ košcie jaho biznesu. Košt biznesu pry najaŭnaści finansavych pakazčykaŭ vyjaŭlajecca tradycyjnymi dla acenki koštu mietadami (zatratny, prybytkovy, paraŭnalnych prodažaŭ).
2. Upłyvovaść — dadatkovy kryter, uviedzieny z-za śpiecyfičnych umoŭ viadzieńnia biznesu ŭ Biełarusi i niemahčymaści na dadzieny momant apublikavać hrašovyja pakazčyki.
Čytajcie taksama: Biznesmiena z top-200 samych upłyvovych u krainie asudzili na 2,5 hoda chatniaj chimii i zabaranili 5 hadoŭ zajmacca pradprymalnictvam
Kamientary