U Słuckim rajonie zabili 22-hadovaha chłopca. Padazravany ŭ vyšuku
Učora ŭviečary ŭ vioscy Ladna byŭ zabity 22-hadovy miascovy žychar.
Jak piša słucki partał, u chłopca zdaryŭsia kanflikt ź dziaŭčynaj, vyrašać jaki pryjechaŭ jaje brat. Jon dačakaŭsia maładoha čałavieka z pracy i paśla niekalki razoŭ udaryŭ nažom kryŭdziciela siastry.
Paśla hetaha jon sieŭ u aŭto i źjechaŭ. Ciapier jaho šukaje milicyja. Jość infarmacyja, što, akramia palaŭničaha naža, u padazravanaha moža być z saboj palaŭničaja strelba.
U sacsietkach raspaŭsiudžvajucca kankretnyja prykmiety aŭtamabila: «Volkswagen Passat B4 univiersał siniaha koleru ź dziaržnumaram 7383 HM-5. Za rulom mužčyna 1988 hoda naradžeńnia, moža mieć pry sabie strelbu i nož». U milicyi paćvierdzili @onlinerby fakt vyšuku aŭto i kiroŭcy.
Kamientary