Kolkaść zahinułych mirnych žycharoŭ u Mjanmie ŭ vyniku vajennaha pieravarotu, što adbyŭsia 1 lutaha, dasiahnuła 1006. Takuju ličbu abviaścili ŭ sieradu aktyvisty z Asacyjacyi dapamohi palityčnym źniavolenym (AAPP).
AAPP zajmajecca pravierkaj vypadkaŭ śmierci i masavych aryštaŭ pry vajennym režymie ŭ Mjanmie. Jany paviedamili, što kolkaść zabitych siłami biaśpieki mirnych ludziej dasiahnuła 1006 čałaviek.
«Pakul vajskoŭcy znachodziacca va ŭładzie, jany buduć praciahvać zabivać maładych ludziej, prafiesijanałaŭ: daktaroŭ i nastaŭnikaŭ, mužčyn, žančyn i dziaciej», — skazaŭ sakratar AAPP Da Bo Hi.
Pa jaho słovach, dziejańni vajskoŭcaŭ škodziać nie tolki ludziam, ale i ŭsioj krainie, i jaje demakratyi ŭ cełym.
«Jany zabivajuć nie tolki našy žyćci, ale i budučyniu krainy i demakratyčnyja nadziei», — dadaŭ jon.
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty1
Kamientary