Čałaviečy mietabalizm sapraŭdy źmianiajecca z uzrostam — ale nie tak, jak vy dumajecie
Novaje mižnarodnaje daśledavańnie supiarečyć raspaŭsiudžanamu mierkavańniu, nibyta mietabalizm čałavieka niepaźbiežna paharšajecca z uzrostam. Nasamreč jaho pakazčyki stajać na miescy, pakul vam nie spoŭnicca 60 hadoŭ.
Daśledčyki vyśvietlili, što naš abmien rečyvaŭ dasiahaje najbolšaj intensiŭnaści prykładna va ŭzroście adnaho hoda — u hety čas dziciačy arhanizm spalvaje kałoryi na 50% chutčej, čym darosły čałaviek. Potym chutkaść mietabalizmu pastupova źnižajecca prykładna na 3% u hod da ŭzrostu 20 hadoŭ. Paśla hetaha mietabalizm zastajecca prykładna na adnym uzroŭni da 60 hadoŭ, a potym znoŭ pačynaje źnižacca mienš čym na 1% u hod, piša NBC News.
Navukoviec Chierman Poncer z amierykanskaha ŭniviersiteta Djuk i jaho kalehi vyvučyli pakazčyki bolš čym 6400 čałaviek va ŭzroście ad 8 dzion da 65 hadoŭ z 29 krain, jakija ŭdzielničali ŭ śpiecyjalnych ispytach. Padčas ich respandenty vypivali vadu, u jakoj častka vadarodu i kisłarodu była zamienienaja na izatopy hetych elemientaŭ, jakija možna adsačyć u analizach mačy.
Praz toje, kolki vadarodu i kisłarodu čałaviek hublaje ŭ dzień, daśledčyki vyličyli, kolki vuhlakisłaha hazu vyrablaje ŭ dzień arhanizm kožnaha respandenta. U svaju čarhu, hety pakazčyk dapamoh padličyć, kolki kałoryj u dzień spalvaje kožny respandent, bo nielha spalić kałoryi biez vyrabu vuhlakisłaha hazu.
Daśledčyki padkreślivajuć, što novyja danyja abviarhajuć šmat faktaŭ, źviazanych ź mietabalizmam. Naprykład, isnuje mierkavańnie, što mietabalizm niepaźbiežna paharšajecca jašče da 60 hadoŭ, ci što na jaho ŭpłyvajuć faktary nakštałt padletkavaha ŭzrostu, ciažarnaści ci mienapaŭzy. Hetyja faktary sapraŭdy mohuć supravaždacca naboram vahi, ale pryčyny hetaha bolš ciažka prasačyć. Siarod ich moža być spad fizičnaj aktyŭnaści, źmieny ŭ charčavańni, navakolnym asiarodździ ci ŭ režymie sna.
Ciapier čytajuć
Aryštavali byłoha pamočnika Michaiła Miaśnikoviča5
Aryštavali byłoha pamočnika Michaiła Miaśnikoviča
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary