Antyčny restaran u Pampiejach zrabili dastupnym dla turystaŭ
Reštki staražytnaj pampiejskaj zakusačnaj — ci, kažučy pa-łacinsku, termapolija — zrabili dastupnymi dla naviedvalnikaŭ ruin horada. Budynak restarana, znojdzieny ŭ minułym hodzie archieołahami, byŭ pachavany pad vułkaničnym popiełam razam z horadam Pampiei ŭ 79 hodzie n. e. padčas vyviaržeńnia vułkana Viezuvij.
Jak ličać archieołahi, u svoj čas termapolij absłuhoŭvaŭ pampiejskich biedniakoŭ i prapanoŭvaŭ im ježu nakštałt paelji, miasa kački i ślimakoŭ. Naviedvalnikami zakusačnaj byli haradžanie, jakija naŭrad ci mieli ŭ svajoj chacie kuchniu, tamu jany i byli vymušanyja charčavacca ŭ inšym miescy, piša Daily Mail.
Reštki termapolija byli raskopanyja ŭ minułym hodzie padčas daśledavańniaŭ na terytoryi Pampiejaŭ, jakija praciahvajucca tut užo šmat hadoŭ. Navukoŭcy adšukali pryłavak z hłybokimi sasudami, u jakich, imavierna, zachoŭvałasia haračaja ježa. U adnym z kantejnieraŭ archieołahi znajšli frahmient kačynaj kostki, a ŭ inšych — reštki inšych žyvioł, u tym liku koz, śvińniaŭ, ryb i ślimakoŭ. Taksama navukoŭcy adšukali antyčny posud, jaki vykarystoŭvaŭsia ŭ termapolijach. Zachavalisia staražytnaja mazaika i freski, što ŭpryhožvali termapolij.
Archieołahi kažuć, što termapolij znachodziŭsia ŭ vyhadnym miescy — kala płoščy z fantanam. U tym ža rajonie była znojdziena jašče adna zakusačnaja, a ŭsiaho ŭ Pampiejach adšukali 12 termapolijaŭ.
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca3
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2222
Kamientary