Na dziaržaŭnych kanałach pakazali videa «zamachu» na Ryhora Azaronka. Niekalki cikavych momantaŭ
Pa telekanałach pakazali siužet, jaki nazvali zamacham na Ryhora Azaronka
U siužecie pra zamach jość niekalki cikavych momantaŭ.
1.Vykanaŭcami apieracyi nazyvajucca Dźmitryj Sasnoŭski i «jaho padzielnik». Imia «padzielnika» nie nazyvajecca, tvar nie pakazvajecca. Čamu? Mahčyma, «padzielnik» — pradstaŭnik siłavych struktur?
2. U mašynie, adkul vychodziać Sasnoŭski i «padzielnik», ustalavanaja videakamiera. Jana pakazvaje, što «padzielnik» vychodzić sa zbrojaj, a Sasnoŭski, najchutčej, z pustymi rukami.
3. Kali Sasnoŭski i «padzielnik» nabližajucca da Azaronka (na videa nie vidać, što heta mienavita jon, ale kamplekcyja padobnaja), «napadaje» mienavita «padzielnik». Sasnoŭski staić z boku, paśla na imhnieńnie vypadaje ź videa, a ŭrešcie na jaho nakidvajucca niekalki siłavikoŭ.
4. Adzin ź siłavikoŭ, jaki išoŭ za niekalki krokaŭ za Azaronkam, byŭ tatam z kalaskaj. Kali adbyŭsia «zamach», jon adšturchnuŭ kalasku ŭ bok i kinuŭsia na Sasnoŭskaha.
***
Pra zamach na Ryhora Azaronka raspavioŭ u piatnicu na schodzie z nahody Dnia Niezaležnaści Alaksandr Łukašenka.
«Heta zdaryłasia minułaj nočču: 1 lipienia. Meta (cytuju) — źnieruchomić, zachapić, kinuć u bahažnik. Vyvieźci ŭ les u samaje hłuchoje miesca, adrezać jazyk. Uziać nažnicy, kab sam heta zrabiŭ. Kali nie zrobić sam — toj, chto byŭ naniaty za dziesiać tysiač dalaraŭ (hrošy byli pieraličanyja), pavinien byŭ ažyćciavić hetuju apieracyju, źniać na kamieru i vykłaści ŭ internet», — raspavioŭ učora Łukašenka.
Ciapier čytajuć
Vajar ź Biełaruskaha dobraachvotnickaha korpusa: Ja žyŭ u ružovaj burbałcy2
Kamientary