Navukoŭcy prydumali, jak pieratvaryć płastyk u vanilin
Dla hetaha daśledčyki vykarystali kišačnuju pałačku.
Navukoŭcy z Edynburhskaha ŭniviersiteta raspracavali sposab, kab zmahacca z płastykavymi adkidami. Daśledčykam z dapamohaj bakteryj udałosia pieratvaryć płastyk u vanilin.
Štohod u śviecie źjaŭlajecca kala 50 miljonaŭ ton płastykavych adkidaŭ, što pryvodzić da surjoznych ekanamičnych i ekałahičnych prablem. Častka płastyku pierapracoŭvajecca, ale ciapier navukoŭcy prapanoŭvajuć pieratvarać adkidy ŭ charčovyja pradukty.
Navukoŭcy vyśvietlili, što tereftalevaja kisłata, manamier, jaki ŭtvaraje płastyk, moža pieratvaracca ŭ vanilin praz łancužok ź piaci chimičnych reakcyj. Zatym daśledčyki ŭ łabaratoryi madyfikavali kišačnuju pałačku takim čynam, kab jana spryjała pieratvareńniu tereftalevaj kisłaty ŭ vanilin.
Kamanda prademanstravała, jak pracuje hety mietad. Navukoŭcy ŭziali dehradavany płastyk, dadali da jaho madyfikavanuju kišačnuju pałačku i atrymali vanilin pry pakajovaj tempieratury. Daśledčyki śćviardžajuć, što taki vanilin prydatny dla ŭžyvańnia, adnak nieabchodna pravieści jašče dadatkovyja ekśpierymienty.
Heta pieršy ŭ śviecie prykład pieratvareńnia płastykavych adkidaŭ u kaštoŭnaje pramysłovaje chimičnaje rečyva.
Vanilin šyroka vykarystoŭvajecca ŭ charčovaj i kaśmietyčnaj pramysłovaści. U 2018 hodzie suśvietny popyt na vanilin pieravysiŭ 37 tysiač ton.
-
Pad mierkavanym miescam pachavańnia Isusa raskryli 2000‑hadovuju tajamnicu, jakaja supadaje ź biblejskim apisańniem
-
U śviecie jość mieduza, jakaja moža žyć viečna
-
NASA zapłaciła startapu $30 miljonaŭ, kab uratavać teleskop Swift. Ciapier aparat, jaki dvaccać hadoŭ naziraŭ za hibiellu zorak, sam zharyć u atmaśfiery
Ciapier čytajuć
«Kajłas, ja idu». Što za biełaruska źnikła ŭ žudasnym sieli ŭ Niepale5
Kamientary