Paśla bojki ź milicyjanieram pamior vajskovy kamisar Rečycy. Što viadoma na hety momant?
Unačy 6 červienia ŭ Asipovičach pamior 38-hadovy Siarhiej Pleski, vajskovy kamisar Rečyckaha i Łojeŭskaha rajonaŭ.
U kamisaryjacie «Našaj Nivie» paćvierdzili hetuju infarmacyju.
«Padraźbiaznaściaŭ zdareńnia nie majem, viadziecca śledstva. Jany buduć paźniej. Zaŭtra płanujecca pachavańnie», — koratka prakamientavaŭ dziažurny.
Što viadoma pra incydent?
Pleski adpačyvaŭ u restaranie «Praleska» ŭ Asipovičach, dzie ŭ jaho ŭźnik kanflikt z 25-hadovym supracoŭnikam orhanaŭ unutranych spraŭ.
Milicyjanier nanios apanientu ŭdar, jaki pryvioŭ da śmierci na miescy zdareńnia.
SK zavioŭ kryminalnuju spravu pa č.3 art. 147 (pryčynieńnie ciažkich cialesnych paškodžańniaŭ, jakija pryviali da śmierci). Pakarańnie — ad 5 da 15 hadoŭ źniavoleńnia.
Vyrašajecca pytańnie ab miery strymańnia dla milicyjaniera.
U Siarhieja zastaŭsia niepaŭnaletni syn.
Ciapier čytajuć
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3737
Kamientary