Raniej u Raścisłava Šaviela byli try administracyjnyja aryšty: 8 sutak u žniŭni, 15 — u listapadzie, 15 — u mai. 17 maja Šaviel viartaŭsia z pracy. La padjezda jaho zatrymali ludzi ŭ cyvilnym. Paźniej Raścisłava asudzili na 15 sutak za niepadparadkavańnie.
Jon mieŭ vyjści na volu 1 červienia. Adnak jaho potym zatrymali jašče na troje sutak. 4 červienia Raścisłava nie vypuścili i advieźli ŭ SIZA na Vaładarskaha.
Jaho abvinavačvajuć pa artykule 342 Kryminalnaha kodeksa (arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich — da troch hadoŭ pazbaŭleńnia voli).
Paviedamlajecca, što kryminalnuju spravu zaviali jašče 1 listapada, a zaraz źmianili mieru strymańnia.
Kamientary