RIA «Novosti»: ES abmiarkoŭvaje zabaronu na tranzit rasijskaha hazu praź Biełaruś
U takim vypadku Rasija vymušanaja była b pavialičyć pierapampoŭvańnie hazu praz Ukrainu, a «Hazprom transhaz Biełaruś», adzin z hałoŭnych płatnikaŭ padatkaŭ u krainie, zastaŭsia b biez prybytku. Akramia taho, Maskva straciła b mahčymaść tranzitu pa hazapravodzie «Jamał Jeŭropa».
«Kiraŭnik dypłamatyi ES zajaviŭ, što dva napramki sankcyj pa Biełarusi, što abmiarkoŭvajucca kiraŭnikami MZS, — ekspart kalijnych uhnajeńniaŭ i tranzit rasijskaha hazu», — paviedamiła ŭ svaim telehram-kanale ahienctva «RIA Novosti».
U vypadku zabarony na tranzit rasijskaha hazu praź Biełaruś Maskva vymušanaja była b puścić bolš hazu praz Ukrainu, što pryniesła b vializnuju finansavuju vyhadu paŭdniovaj susiedcy Biełarusi. Akramia taho, heta stvaryła b mocny finansavy matyŭ dla Maskvy, kab spynić padtrymku Alaksandra Łukašenki.
Taki varyjant staŭ technična mahčymy, dziakujučy dyviersifikacyi krynic pastavak enierhanośbitaŭ u krainy Uschodniaj Jeŭropy — litoŭskamu hazavamu terminału ŭ Kłajpiedzie, pieramyčkam miž Ukrainaj, Polščaj, Słavakijaj i Vienhryjaj.
Finansavy ŭdar pa biełaruskich uładach ad zabarony tranzitu hazu byŭ by, napeŭna, u suchoj rešcie bolšy, čym ad sankcyj suprać «Biełaruśkalija». U vypadku «Biełaruśkalija» biełaruskuju dolu rynku pierachapiŭ by rasijski «Urałkalij», tady jak pry źmienie kirunkaŭ tranzitu hazu vyhadaatrymalnikami stali b Ukraina, Słavakija i Vienhryja.
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna7
Kamientary