U Homieli asudzili davieranych asobaŭ Cichanoŭskaj — ad 6 hadoŭ kałonii
Sud Čyhunačnaha rajona Homiela vynies prysudy pa spravie ab «padrychtoŭcy da zachopu budynkaŭ dziaržorhanaŭ».
Juryj Ułasaŭ atrymaŭ 6,5 hoda kałonii ŭzmocnienaha režymu, Taciana Kanieŭskaja, Dźmitryj Ivaškoŭ i Alaksandr Šabalin — pa 6 hadoŭ kałonii ahulnaha režymu. Ich vinavacili ŭ «masavych biesparadkach» i płanavańni «zachopu administracyjnych budynkaŭ».
Vinu jany nie pryznali.
Abvinavačańnie hruntavałasia na videa schavanaj kamieraj padčas sustrečy Cichanoŭskaj z davieranymi asobami. Jaho narezki pakazali pa telebačańni.
Advakaty ŭ svaich vystupach zaznačali, što niama kankretnych dokazaŭ viny ich padabaronnych, abvinavačańnie hruntujecca na domysłach, ahulnych frazach i na videa, ź jakoha vynikaje tolki toje, što 5 žniŭnia davieranyja asoby byli na sustrečy sa Śviatłanaj Cichanoŭskaj i abmiarkoŭvali roznyja varyjanty raźvićcia padziej 9 žniŭnia i paśla vybaraŭ.
Advakaty źviartali ŭvahu, što niama dokazaŭ abvinavačańnia ŭ častcy taho, što abvinavačanyja «sprabavali vierbavać byłych siłavikoŭ», «płanavali zachapić administracyjnyja budynki». Kali jany razmaŭlali ź Cichanoŭskaj pra hrošy, to havorka išła pra finansavańnie całkam lehalnaha pikietu, zapłanavanaha na 7 žniŭnia.
Čytajcie taksama:
U Homieli sudziać davieranych asobaŭ Cichanoŭskaj. Padsudnyja nie pryznali viny
«Amapaŭcy chadzili pa stupniach zatrymanych i pytali: «Chočaš — i tabie tak budzie?» Na sudzie ŭ Homieli abvinavačanyja raskazali pra hvałt
-
29‑hadovuju madel i psichołaha z Homiela asudzili za palityku. Mierkavana, za Hajuna
-
Jak ułady Minska zrazumiejuć, u kaho žyvuć niezarehistravanyja sabaki? Raźlik na nieabyjakavych susiedziaŭ
-
Biełaruska prasiła blizkich patrochu pieravozić u Polšču jaje źbieražeńni. A potym kupiła kvateru — i bank zabłakavaŭ 1 miljon złotych
Ciapier čytajuć
Biełaruska kliča na viasielle zorku «Univiera», jaki za vajnu. Uprehsia ŭvieś Threads7
Kamientary