Cichanoŭskaja i Viačorka kupili kvitki ŭ Minsk, ale nie prylacieli. Što heta było?
U minułyja vychadnyja ŭ internecie źjavilisia fatahrafii avijabiletaŭ ź Vilni ŭ Minsk na 2 maja na imia Śviatłany Cichanoŭskaj i jaje daradcy pa mižnarodnych pytańniach Franka Viačorki. Ale ŭ Minsk jany tak i nie prylacieli. Tut.by spytaŭ u kamandy Cichanoŭskaj, što heta było.
Kvitki, jak akazałasia, sapraŭdnyja. Heta Tut.by paćvierdziŭ Franak Viačorka. Ale ŭ Minsk ni Cichanoŭskaja, ni Viačorka nie prylacieli — u paniadziełak, 3 maja, u Cichanoŭskaj pačaŭsia aficyjny vizit u Słavieniju.
— Kvitki našy. Kamanda Cichanoŭskaj pravodzić vialiki abjom pracy dla dasiahnieńnia pastaŭlenych metaŭ, i nie ŭsia dziejnaść moža być publičnaj, — zajaviŭ daradca Cichanoŭskaj.
Navošta kuplali kvitki, ci źbiralisia nasamreč lacieć u Minsk Cichanoŭskaja i Viačorka, u kamandzie raspaviadać admaŭlajucca. Chto vykłaŭ fatahrafii kvitkoŭ u sietku, u kamandzie nie viedajuć.
Raniej kamanda Cichanoŭskaj zajaŭlała, što, pa ich raźlikach, u mai pavinny pačacca pieramovy ź biełaruskaj uładaj.
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty21
Kamientary