Palitviazień Aleh Korban paśla niečakanaha vyzvaleńnia: Ja ciapier nie budu ŭdzielničać u hramadskim žyćci
23 krasavika na volu niečakana vyjšaŭ palitviazień, kiraŭnik hramadskaj inicyjatyvy «Alternatyva» Aleh Korban. Spravu razhladaŭ sud Maskoŭskaha rajona Minska, praces było vyrašana pravodzić za zakrytymi dźviaryma.
Korban u źniavoleńni znachodziŭsia ad 25 kastryčnika 2020 hoda. Spačatku jon adbyŭ 15-sutkavy aryšt za ŭdzieł u niesankcyjanavanaj vuličnaj akcyi, a paśla jaho pieraviali na Vaładarku jak abvinavačanaha pa kryminalnaj spravie. Aleha sudzili pa č. 1 i 2 artykuła 342 «Arhanizacyja i padrychtoŭka dziejańniaŭ, jakija hruba parušajuć hramadski paradak, ci aktyŭny ŭdzieł u ich». Prysud — paŭtara hoda abmiežavańnia voli.
«Pakul ustrymajusia ad kamientaroŭ. U mianie byŭ sud u zakrytym režymie, ź mianie ŭziali padpisku ab nierazhałošvanni nakont umovaŭ u SIZA — jany tam ciapier davoli žorstkija. Ale ničoha, da usiaho pastupova možna zvyknucca i pieražyć», — skazaŭ Aleh.
«Usio, što datyčna majoj aktyŭnasci ŭ hramadska-palityčnym žycci — ja budu ciapier pa-za hetym», — abviaściŭ były palitviazień.
U čym ža kankretna abvinavačvali Korbana?
«Heta tyčyłasia majoj aktyŭnaści ŭ spravie dapamohi paciarpiełym padčas mirnych akcyj».
«Zdaroŭje bolš-mienš narmalnaje, ciapier adaptujusia da žyćcia na svabodzie. Usio inšaje zmahu prakamientavać trochu paźniej».
Admietna, što pry hetym Aleh nie adkazaŭ na pytańnie, ci jaho prysudzili da realnaj chimii, ci ŭsio ž chatniaj.
Ciapier čytajuć
Prapahanda pryčapiłasia da «darahoha» hadzińnika Łatuški. Toj raskazaŭ, što heta za madel nasamreč36
Kamientary