Pradprymalnik z Maładziečna nabyŭ za 29 rubloŭ siadzibu XVI stahodździa ŭ Kleckim rajonie
Siadzibu Jalenskich u Kleckim rajonie pradali za 29 rubloŭ, paviedamili ŭ prahramie «Minščyna» na STB. Pieramožcam aŭkcyjonu staŭ pradprymalnik z Maładziečna (jaho imia nie nazvali). Jon płanuje adrestaŭravać unikalnuju słavutaść i adkryć na jaje miescy azdaraŭlenčy kompleks, paviedamlaje Rehijanalnaja hazieta.
Siońnia niekali pryhožy pałac naviedvajuć tolki redkija turysty. Znachodzicca siadziba Jalenskich u ahraharadku Tuča. Upieršyniu jana zhadvajecca ŭ 16 stahodździ. Tady heta byli vałodańni maci adnaho z kniazioŭ VKŁ. U kancy stahodździa ziemli pierajšli Radziviłam, paźniej — pradstaŭnikam viadomaha vałynskaha rodu Jalenskich.
Pa słovach navukovaha supracoŭnika Muzieja historyi Kleččyny Taćciany Majsak, u 18 stahodździ tut byŭ park, brovar, vadziany młyn, sažałki, karčma, kuźnia i roznyja haspadarčyja pabudovy. U 19 — uładalnik Kazimir Jalenski — samy viadomy pradstaŭnik rodu — zabiraŭ da siabie asiraciełych dziaciej miascovaj šlachty. Jon zajmaŭsia ŭnutranym ubrańniem siadziby. Da 20 stahodździa ŭ majontku źjaviłasia vialikaja kalekcyja antykvaryjatu. Ale bahaćci byli vyviezieny, a paśla źnikli padčas Pieršaj suśvietnaj.
Majontkam vałodała Maryja Jalenskaja z dačkoj Jadvihaj. Jadviha pamierła dziesiać hadoŭ tamu ŭ Brazilii.
Adzin čas u majontku raźmiaščałasia balnica. U 1970-ja hady — škoła. Tady źjaviłasia prybudova pad spartyŭnuju zału. Ale i škoła nieŭzabavie začyniłasia. Budynak pa hety dzień nie vykarystoŭvaŭsia.
Siadzibu ŭžo pradavali ŭ 2011 hodzie. Ale tady haspadary, mabyć, nie raźličyli svaje siły. Rekanstrukcyju nie praviali.
U novaha ŭładalnika pa zakonie jość 12 miesiacaŭ paśla ramontu na toje, kab adkryć abjekt dla turystaŭ. Akramia hetaha, na praciahu piaci hadoŭ jon nie zmoža zakryć biznes.
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci3
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie1010
Kamientary