Pad ciažaram chraničnaha stresu, jaki vyklikała pandemija kavidu, my schilnyja źmianiać svajo staŭleńnie da ŭłasnaha žyćcia. Heta prajaŭlajecca ŭ niezdarovym žadańni być praduktyŭnymi ŭ luby momant i čaho b nam heta ni kaštavała, rabić usio mahčymaje i niemahčymaje na pracy.
Psichołahi nazyvajuć taki fienomien taksičnaj praduktyŭnaściu i kažuć, što jana moža prajaŭlacca i ŭ inšych śfierach, naprykład, kali my addajom apošnija siły, kab vyvučyć novuju movu abo asvoić niejki inšy navyk.
Kali vy tak šmat kłapociciesia pra efiektyŭnaść svajoj pracy, jość ryzyka, što chutka vy pačniacie pakazvać horšyja vyniki i adčujecie vyharańnie. Bolš za toje, taksičnaja praduktyŭnaść drenna ŭpłyvaje na adnosiny ź inšymi ludźmi. U takim stanie vy možacie prajaŭlać niastrymanaść i pryhniečanaść u adnosinach ź blizkimi, pieraściarahaje Huffpost.
Jak ža zmahacca z taksičnaj praduktyŭnaściu?
- Zaŭvažcie jaje prykmiety ŭ sabie i pryznajcie najaŭnaść prablemy.
Vy adčuvajecie vinu, kali dumajecie pra efiektyŭnaść svajoj pracy? Vam časta zdajecca, što vy pavinny rabić bolš i što, kali vy ničoha nie robicie, vy marnujecie čas? Kali tak, vy možacie pakutavać ad taksičnaj praduktyŭnaści.
Taksama treba źviarnuć uvahu, kali vy rehularna adčuvajecie stomlenaść, navat paśla načnoha adpačynku. Jašče adna drennaja prykmieta — žadańnie zrabić na inšych uražańnie, što vy vielmi napružana pracujecie, naprykład, arhanizacyja videanarady ŭ toj situacyi, kali chapiła b zvyčajnaha elektronnaha lista.
- Chopić pytacca ŭ siabie «Što ja pavinien zaraz zrabić?».
Lepiej zamianić hetaje pytańnie na inšaje: «Čym by ja moh zaraz spakojna zaniacca?». I nie zabyvajcie davać sabie zasłužany adpačynak u vychadny dzień abo paśla zakančeńnia ciažkaha zadańnia.
- Zrazumiejcie: chutčej za ŭsio, vašy pracoŭnyja podźvihi patrebnyja tolki vam.
Cikava, što taksičnaja praduktyŭnaść chutčej isnuje ŭ našych hałovach, čym na našych pracoŭnych miescach. Vielmi małaja kolkaść kiraŭnikoŭ sapraŭdy kłapocicca pra toje, ci pracujecie vy kruhłasutačna, ich bolš cikaviać vašy vyniki.
- Zapłanujcie čas dla siabie.
Vybierycie varyjant chobi abo adpačynku, jaki padyšoŭ by vam lepš za ŭsio: naprykład, ranišniaja prabiežka, harbata paśla abiedu abo prahlad sieryjała. I zapłanujcie hetuju padzieju tak, jak płanujecie važnyja pracoŭnyja prajekty.
- Zamianicie taksičnuju praduktyŭnaść na prafiesijnuju niepieraduziataść.
Budźcie addanyja svajoj pracy i rabicie jaje jakasna. Pry hetym pamiatajcie, što heta nie adzinaja vaša rola i što vy nie abaviazkova pavinny emacyjna pryviazvacca da pracy.
- Vybierycie, što dla vas sapraŭdy važna.
Padumajcie, jak vy rasstaŭlajecie pryjarytety. Ci vybirajecie vy ŭ žyćci tyja zaniatki, jakija patrebnyja mienavita vam? Abo marnujecie čas na toje, čaho ad vas patrabuje hramadstva? Luboŭ da praduktyŭnaści — važny elemient zachodniaj kultury, ale vy zaŭsiody možacie pajści inšym šlacham.
Ciapier čytajuć
«Ja pieršamajskaje bydła i limita, bazaru nul. Ale blizki da centra pryniaćcia rašeńniaŭ». Što Tur piša pad psieŭdanimam u «ekstremisckim» čacie25
Kamientary