Prezident Arhienciny Albierta Fiernandes paviedamiŭ u Twitter, što jaho test na antyhien da karanavirusa akazaŭsia stanoŭčym, piša RBK.
62-hadovy palityk raspavioŭ, što adčuŭ hałaŭny bol, a zatym u jaho padniałasia tempieratura da 37,3 hradusa. Kiraŭnik dziaržavy čakaje vynikaŭ PŁR-testu. Fiernandes adznačyŭ, što syšoŭ u režym samaizalacyi, prytrymlivajecca rekamiendacyj doktara i ŭ cełym pačuvajecca dobra.
Jon taksama zaklikaŭ suhramadzian nie supakojvacca i praciahvać vykonvać uviedzienyja ŭ krainie abmiežavalnyja miery. Pa jaho słovach, pandemija jašče nie skončyłasia, i ŭsim treba kłapacicca pra siabie.
U siaredzinie studzienia ŭ administracyi Fiernandesa paviedamlali, što jon zrabiŭ pryščepku pieršym kampanientam vakcyny «Sputnik V». Aficyjna pra jaho vakcynacyju druhim kampanientam pryščepki nie paviedamlałasia.
Centr imieni Hamalei, raspracoŭščyk vakcyny, adkazaŭ na paviedamleńnie Fiernandesa. U tvity palityku pazyčyli najchutčejšaha vyzdaraŭleńnia, adznačyŭšy, što rasijski preparat navat u vypadku paćvierdžanaha COVID-19 zabiaśpiečvaje bolš lohkaje ciačeńnie chvaroby.
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty21
Kamientary